08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Զինված խմբի գործով նիստն այսօր էլ չկայացավ․ այս անգամ մանկահասակ երեխայի պատճառով
Հասարակություն
26.04.2019 | 12:23
Նորք-Մարաշի զինված խմբի գործով դատական նիստն այսօր ևս չկայացավ։ Դատավոր Արմեն Բեկթաշյանի նախագահությամբ ընթացող այս դատական նիստերի համար հետաձգումը կրում է պարբերական բնույթ։
Այսօրվա դատական նիտի հետաձգման պատճատն այն էր, որ ամբաստանյալներից Նելլի Մինասյանը դատարան էր եկել իր մանկահասակ երեխայի հետ։ Անչափահասի մասնակցությամբ նիստը կայանալ չէր կարող, ինչի հետևանքով էլ դատական նիստը հետաձգվեց։
Հիշեցնենք, որ այս գործով անցնում է 20 անձ, որպես զինված խմբի ղեկավար ներկայացվում է Արթուր Վարդանյանը, նա միակ ամբաստանյալն է, որը դեռևս անազատության մեջ է գտնվում: 2015-ի նոյեմբերի 25-ին ԱԱԾ-ն հայտարարություն տարածեց այն մասին, որ Նորք-Մարաշում վնասազերծվել է զինված խումբ: Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել էր բռնությամբ զավթել իշխանությունը:
Լիլիթ Շաբոյան
