12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Այս տարվա 3 ամիսներին զինծառայողների ապահովագրության հիմնադրամին 181 մլն դրամով ավելի գումար է վճարվել
Քաղաքականություն
25.04.2019 | 15:34
2019 թվականի առաջին եռամսյակում 2018-ի համեմատ զինծառայողների ապահովագրության հիմնադրամին շուրջ 181 մլն դրամով ավելի գումար է հավաքագրվել: Այս մասին, այսօր՝ ապրիլի 25-ին, կառավարության նիստի ընթացքում նշեց վարչապետի խորհրդական Նաիրի Սարգսյանը:
«Այսինքն՝ ամսական մոտ 60 հազար աշխատողի չափով ավելի դրոշմանիշային վճար է վճարվել: Բացի այդ, բավականին կուտակված պարտավորություններ կան: ՊԵԿ-ի հետ պայմանավորվածություն ենք ձեռք բերել, որ բոլոր տնտեսավարողներին էլեկտրոնային եղանակով ծանուցենք»,- ասաց նա:
Վարչապետ Նիկոլ Փաշինյանն էլ հավելեց․ «Հիմնադրամը բավականին շոշափելի գումար է վճարում, որը նվազագույն սոցիալական խնդրի լուծում է: Այս առումով կոչ կանեմ բոլորին կատարել իրենց պարտավորությունները: Դա թույլ կտա շահառուների շրջանակն ավելի ընդլայնել»:
Աղավնի Սուքիասյան
