16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Տպավորություն է, որ ունեցել ենք սեփական դեսպանատներ, գույքը պատկանել է կոնկրետ մարդու, բայց նա ներկայացրել է պետությունը. Փաշինյան
Քաղաքականություն
25.04.2019 | 13:35
ՀՀ ԱԳ նախարար Զոհրաբ Մնացականյանն այսօր կառավարության հավանությանը ներկայացրեց որոշման նախագիծ, որով առաջարկվում է ԱԳ նախարարությանը ավելի քան 347 մլն գումար հատկացնել:
Ըստ Զոհրաբ Մնացականյանի՝ դիվանագիտական ծառայության արդյունավետությունը բարձրացնելու նպատակով 2018 թվականի մայիսից ի վեր որդեգրվել է մի քաղաքականություն, ըստ որի՝ այսուհետ ՀՀ դիվանագիտական ներկայացուցչություններում դիվանագետներ կնշանակվեն միմիայն ԱԳՆ համակարգից։
Զոհրաբ Մնացականյանի խոսքով՝ ՀՀ դիվանագիտական ծառայության մարմինների գործունեությունն ապահովելու նպատակով անհրաժեշտություն է առաջացել նախարարությանը 2019-ի համար հատկացնել լրացուցիչ 347 մլն 522 հազար դրամ, քանի որ նախկինում մի շարք դիվանագիտական ներկայացուցչությունների ղեկավարներ, որոնք ԱԳՆ համակարգից չեն եղել հրաժարվել են իրենց հասանելիք աշխատավարձերից, ընտանիքի անդամների փոխհատուցման գումարներից, և ըստ այդմ՝ այդ գումարները չեն հաշվարկվել 2019-ի նախարարության բյուջեում:
Նախագծի վերաբերյալ վարչապետ Փաշինյանը նկատեց․«Եթե չեմ սխալվում, մենք նախկինում դեսպանատներ ենք ունեցել, որոնք համարյա պետական ֆինանսավորում չեն ունեցել: Համենայնդեպս, խորհրդարանական քննարկումներից նման բան հիշում եմ: Այդպիսի կամ դրան մոտ իրավիճակներ եղել են»։
Ըստ Փաշինյանի՝ «Դա բավական տարօրինակ է, որովհետև տպավորություն է ստեղծվում, որ երբեմն եղել են իրավիճակներ, երբ գոյություն են ունեցել սեփական դեսպանատներ, որտեղ նույնիսկ գույքը և ամեն ինչը պատկանել է կոնկրետ մարդու: Բայց նրանք հանդես են եկել պետության անունից»:
Նախագիծն արժանացավ Կառավարության համաձայնությանը, պահանջված գումարը հատկացվեց:
