07.03.2026 | 19:37
Ինչ իրավիճակ է ճանապարհներին
Հայաստանը պարտավոր է պայքարել ցեղասպանություն հանցագործության դեմ միջազգային հարթակներում. Վիգեն Սարգսյան. ՏԵՍԱՆՅՈՒԹ
Քաղաքականություն
24.04.2019 | 18:54
Բազմաթիվ երկրներ ճանաչել են Ցեղասպանությունը և դրա գագաթնակետը եղավ Հայոց ցեղասպանության 100-րդ տարելիցի միջոցառումների համախմբումը: Ծիծեռնակաբերդում լրագրողների հետ զրույցում այս մասին ասաց ՀՀ պաշտպանության նախկին նախարար Վիգեն Սարգսյանը:
«Կարծում եմ, որ Հայաստանը, որպես երկիր մի ժողովրդի, որը վերապրել է այդ ողբերգությունը և այդ հանցագործությունը, պարտավոր է, անկախ իշխանության եղած կուսակցության բնույթից, պայքարել այդ հանցագործության դեմ միջազգային հարթակներում, շարունակել Հայոց ցեղասպանության օրինակով զգուշացնել մարդկությանը այդ հանցագործության վտանգների և դեռևս ամբողջությամբ չկանխված լինելու մասին»,- հավելեց նա:
Վիգեն Սարգսյանի խոսքով՝ բազմիցս է արվել, որ ժխտումը հանցագործության կրկնության ձևերից է. «Վերջին հայտարարությունները, որ այս օրերին հնչեցին Թուրքիայում, վկայությունն են նրա, որ այդ պայքարը երբեք ժամկետանց չի, քանի դեռ Թուրքիան ինքը չի առերեսվել իր պատմության և Հայոց ցեղասպանության հանցագործության հետ»:
Մանրամասները՝ տեսանյութում:
