02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Պետք է դիմադրենք այնքան, մինչև թուրք բառը մեզ համար ածական լինելուց դառնա գոյական․ Տիգրան Մանսուրյան․ ՏԵԱՆՅՈՒԹ
Քաղաքականություն
24.04.2019 | 15:58
«Մայրս, որ Լենինգրադյան փողոցում էր ապրում, հաճախ թոռներից մեկի ձեռքը բռնած, սովորական օրերին, վարդի փունջը ձեռքին բռնած, գալիս էր այստեղ՝ իր ծնողների հիշատակը հարգելու: Նույնն անում եմ նաև ես»,- այսօր Ծիծեռնակաբերդի հուշահամալիրում լրագրողների հետ զրույցում Ցեղասպանությունից մազապուրծ եղած իր նախնիների պատմությունը հիշեց կոմպոզիտոր Տիգրան Մանսուրյանը։
Հարցին՝ ի՞նչ պատգամ են փոխանցել ծնողներն իրեն, կոմպոզիտորն ասաց․«Ոգու առողջություն, կամքի աստվածատուր ուժ և դիմադրելու կարողություն։ Մենք պետք է դիմադրենք, մինչև մի օր թուրք բառը մեզ համար ածական լինելուց դառնա գոյական։ Ուժեղ պետություն պետք է դառնանք՝ ունենալով խելքի, բարության, գիտելիքների հավատարմության ուժ»։
Լրագրողները հետաքրքրվեցին՝ ինչ է փոխվել իր համար հեղափոխությունից հետո մեկ տարի անց։
«Գիտեք այսօր առավոտյան Հ1-ով լսում էի իմ «Ռեքվիեմը»: Այդ ձայնագրությունը քանի տարի է կա, իսկ ինչո՞ւ չէր հնչում․ զարմանում եմ և դա բացատրում նրանով, որ բան է փոխվել։ Սա փոքրիկ բան է, որն ինձ մտածելու տեղիք է տալիս»,- ասաց կոմպոզիտորը։
Մանրամասները՝ տեսանյութում։
