18.09.2026 | 10:30
Հարցազրույց չեմ տալիս, ֆրակցիայի նիստ ենք անում. Ռոբերտ Քոչարյանը կատակեց․ ՏԵՍԱՆՅՈՒԹ
ԱԳ նախարարը՝ Արցախի հարցով «Լավրովի պլանի» մասին․ ՏԵՍԱՆՅՈՒԹ
Քաղաքականություն
24.04.2019 | 14:27
Այն, ինչ արտահայտել ենք հայտարարության մեջ, դա է մեր դիրքորոշումը: Ծիծեռնակաբերդում լրագրողների հետ զրույցում պատասխանելով Արցախի հիմնահարցի շուրջ բանակցություններում, այսպես ասած, «ռուսական ծրագրի» կամ «Լավրովի պլանի» քննարկման մասին հարցին՝ ասաց ՀՀ ԱԳ նախարար Զոհրաբ Մնացականյանը:
«Ես լրացուցիչ մեկնաբանության կարիք չեմ ունեցել անելու, որովհետև ամեն ինչ արտահայտվել է»,- հավելեց նախարարը:
Ինչ վերաբերում է Հայաստանի և Ադրբեջանի ԱԳ նախարարների հաջորդ հանդիպմանը, որը, ըստ ադրբեջանական կողմի, պետք է տեղի ունենա Վաշինգտոնում, Զոհրաբ Մնացականյանն ասաց. «Գիտեք, որ մենք հանդիպել ենք Մոսկվայում ապրիլի 15-ին: Քննարկել ենք, թե հաջորդ քայլն ինչպես է լինելու և մոտավորապես ուրվագծել, թե որտեղ, ինչպես և երբ կարող է լինել հաջորդ հանդիպումը»:
Հիմա, ըստ նախարարի, ԵԱՀԿ Մինսկի խմբի համանախագահներն ու երկու երկրների արտգործնախարարները պետք է համաձայնեցնեն ժամկետները, որից հետո էլ կհայտարարվի այդ մասին:
«Գիտեք, որ հանդիպումները տեղի են ունենում տարբեր մայրաքաղաքներում՝ ներառյալ համանախագահ երկրների մայրաքաղաքներում: Այնպես որ՝ բոլոր տարբերակները բաց են: Բայց ճիշտ է, որ բոլորս պայմանավորվենք, հետո միասին հայտարարենք»,- ասաց Զոհրաբ Մնացականյանը:
Մանրամասները՝ տեսանյութում:
