18.09.2026 | 10:52
Երթևեկության կազմակերպման փոփոխություն՝ Երևանյան և Իսահակ Գասպարյան փողոցների (օդանավակայանի) խաչմերուկում
Ինչու Նիկոլ Փաշինյանը ԵԽԽՎ-ում չխոսեց Ցեղասպանությունից. Զոհրաբ Մնացականյանի պարզաբանումը․ ՏԵՍԱՆՅՈՒԹ
Քաղաքականություն
24.04.2019 | 12:43
Վարչապետ Նիկոլ Փաշինյանը ԵԽԽՎ-ում խոսեց այն ամենի մասին, որոնք առարկայական էին այդ ելույթի համար․ հիմա եթե նա չխոսեց, ի՞նչ է, դրանից որևէ բան փոխվե՞ց․ չէ՞ որ յուրաքանչյուր հայի վերաբերմունքն այս ծանրագույն խնդրի վերաբերյալ նույնն է։ Այս մասին այսօր Ցեղասպանության հուշահամալիրում, անդրադառնալով հարցին՝ ինչու վարչապետ Փաշինյանը ԵԽԽՎ ամբիոնից չխոսեց Հայոց ցեղասպանության մասին, ասաց արտաքին գործերի նախարար Զոհրաբ Մնացականյանը։
Պաշտոնյան նշեց, որ թեև տեղյակ չէ՝ այսօր ամբողջ աշխարհից ինչ պատվիրակություններ են ժամանել Հայաստան, սակայն, վստահեցնում է․ «Աշխարհի բազմաթիվ քաղաքներում բազմաթիվ միջոցառումներ են նախատեսված օրվա խորհրդի կապակցությամբ»։
Խոսելով Ցեղասպանությունից 104 տարի անց՝ անփոփոխ մնացող թուրքական ժխտողական քաղաքականության մասին՝ Զոհրաբ Մնացականյանն ասաց, «Ամենաբարդ հարցն է՝ ասել, թե ինչով է պայմանավորված Թուրքիայի ժխտողականությունը: Դժվար է ասել, թե իշխանությունների համար որքանով է խոչընդոտ առերեսվել պատմության հետ։ Սա ամենամեծ խնդիրն է, եթե որևէ մեկը պատասխան ունի, բայց սա նաև պատգամ է, որ Ցեղասպանությունը, որպես ժողովուրդ, հաղթահարել ենք»։
Անդրադառնալով հայ-թուրքական սահմանի բացմանը՝ արտգործնախարարը նշեց, այս հարցում երբևէ չենք ասել, որ Ցեղասպանության ճանաչումը նախապայման է․Ցեղասպանությունը կանխարգելելը միջազգային պարտավորություն է։
Մանրամասները՝ տեսանյութում։
