14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Փոխվարչապետ Մհեր Գրիգորյանն ընդունել է ՄՖԿ տարածաշրջանային կառավարչին
Քաղաքականություն
23.04.2019 | 22:30
Փոխվարչապետ Մհեր Գրիգորյանն ընդունել է Միջազգային ֆինանսական կորպորացիայի տարածաշրջանային կառավարիչ Յան Վան Բիլսենին: Հանդիպմանը ներկա էր նաև Համաշխարհային Բանկի երևանյան գրասենյակի տնօրեն Սիլվի Բոսութղոն:
Այս մասին տարածված հաղորդագրության մեջ ասված է.
«Հանդիպման սկզբում զրուցակիցներն անդրադարձել են Համաշխարհային Բանկի և Արժույթի միջազգային հիմնադրամի գարնանային համաժողովի շրջանակներում փոխվարչապետի՝ ԱՄՆ կատարած այցի արդյունքներին: Այնուհետև քննարկվել է ՄՖԿ կողմից Հայաստանի զարգացմանն ուղղված իրականացվելիք ծրագրերի տրամաբանությունը: Փոխվարչապետն ընդգծել է, որ Կառավարության կողմից նախանշված բազմաթիվ բարեփոխումներ կան, որոնցում ՄՖԿ ներգրավվածությունը մեծ նպաստ կբերի, մասնավորապես՝ շեշտվել է կապիտալի շուկայի զարգացումն ու բիզնեսների հրապարակային գործունեության բարձրացումը:
ՄՖԿ տարածաշրջանայի կառավարիչը, որպես Հայաստանի հետ համագործակցության գերակա ուղղություններ, առանձնացրել է ֆինանսական, էներգետիկայի, առողջապահության և տուրիզմի ոլորտները:
Զրուցակիցները կարևորել են ֆինանսական ոլորտում թվայնացման զարգացումն ու կանխիկ շրջանառության նվազեցումը, ինչը կնպաստի նաև բիզնես մթնոլորտի բարելավմանը: Առողջապահության ոլորտում երկուստեք կարևորվել է հիվանդությունների կանխարգելումը: Մհեր Գրիգորյանն ու Յան Վան Բիլսենը մտքեր են փոխանակել նաև տուրիզմի զարգացման համար առկա պայմանների, ինչպես նաև տուրիզմի ոլորտում տարածաշրջանային ծրագրերի իրականացման հնարավորությունների շուրջ»:
