16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Փաշինյանն օգտագործեց վետոյի իրավունքը ու ՀԱՊԿ-ում դեռ գլխավոր քարտուղար ընտրված չէ, իսկ դա շատ բանի մասին է խոսում․ Ստեփան Գրիգորյան․ ՏԵՍԱՆՅՈՒԹ
Քաղաքականություն
23.04.2019 | 17:46
Սկսվել է ուրվագծվել գործող իշխանության արտաքին քաղաքականությունը․ փորձում են բազմավեկտոր քաղաքականություն վարել, ինչը դժվար է, բայց այն, որ վարչապետ Փաշինյանն օգտագործեց վետոյի իրավունքը և ՀԱՊԿ-ում դեռ չի ընտրվել նոր գլխավոր քարտուղար, շատ բանի մասին է խոսում։
Այս մասին այսօր հրավիրված քննարկման ժամանակ, անդրադառնալով հեղափոխությունից հետո մեկ տարվա ընթացքում տեղի ունեցող քաղաքական զարգացումներին, ասաց Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը։
Վերջինիս խոսքով՝ արտաքին քաղաքականության հարցում Հայաստանը պետք է մեծ ուշադրություն դարձնի նաև ՄԱԿ-ում հայկական կողմի քվեարկություններին, որովհետև, դժբախտաբար, մենք միշտ քվեարկում ենք Ռուսաստանի նման։
«Այստեղ խնդիրը այդ պետությունների՝ Ուկրաինա, Վրաստան, մեջ չէ, այլ այն, որ մենք հայտնվում ենք ոչ ժողովրդավար պետությունների շարքում, ինչից իրենց վատ են զգում ԱՄՆ-ն ու ԵՄ-ն։ Մենք մեզ պետք է չխաբենք՝ միայն ԱՄՆ-ից և ԵՄ-ից կարող ենք օգնություն ստանալ, իսկ ԵՏՄ-ն և ՀԱՊԿ-ը կիսատ աշխատող կառույցներ են և մեզ դժվար թէ, որևէ օգուտ տան, այնպես որ այնքան զգուշավոր պետք է աշխատենք նաև ԵՄ-ի և ԱՄՆ-ի հետ, որ նրանց չնեղացնենք․ պետք է բալանսավորում ապահովենք, նախկին իշխանությունները, թեև ասում էին, որ բազմավեկտոր քաղաքականություն են վարում, սակայն այդպես չէ, իսկ Փաշինյանի մոտ դա ավելի լավ է ստացվում»,- ասաց քաղաքագետը։
Մանրամասները՝ տեսանյութում։
Աղավնի Սուքիասյան
