09.06.2026 | 17:19
«Ակրոնը» հրաժեշտ է տվել Էդգար Սևիկյանին
Ճիշտ կլինի, որ Քաղաքացու օրը նշվի այնպես, ինչպես Բանակի օրը, Անկախության օրը. «Իմ քայլի» պատգամավոր. ՏԵՍԱՆՅՈՒԹ
Քաղաքականություն
23.04.2019 | 14:37
Ազգային ժողովի «Իմ քայլը» խմբակցության պատգամավոր Արամ Խաչատրյանը համոզված է՝ Քաղաքացու օրը նշելու համար հատկացված գումարն արդյունավետ կծախսվի. «Ես համոզված եմ, որ արդարացված էր։ Եվ այդ գումարն արդյունավետ կօգտագործվի։ Մենք այս տոնն առաջին անգամ ենք տոնում և կարծում եմ` այն շատ կարևոր իրադարձություն է»։
Հարցին՝ մարզերին գումար տրամադրվե՞լ է տոնը նշելու համար, պատգամավորն ասաց․ «Տեղյակ չեմ, թե որքան գումար է տրամադրվել մարզերին կամ տրամադրվե՞լ է, թե՝ չէ»։
Անդրադառնալով Քաղաքացու օրը նշելու հետ կապված նախկին իշխանությունների քննադատություններին՝ պատգամավորը նշեց․ «Դա իրենց իրավունքն է, իրենց կարծիքն է, որ այլ կերպ են մեկնաբանում։ Ես կարծում եմ՝ սա ճիշտ որոշում է և տոնի խորհուրդը կապված է նախորդ տարվա ապրիլ-մայիս ամիսներին իրականացված հեղափոխության հետ։ Կարծում եմ՝ կապ չունի, թե ով է իշխանության։ Ճիշտ կլինի, որ այս տոնը այսուհետ նշվի այնպես, ինչպես օրինակ՝ Բանակի օրը, Անկախության օրը»։
Մանրամասները՝ տեսանյութում։
Շողիկ Գալստյան
