10.03.2026 | 18:01
ԿԿՀ անդամի թափուր պաշտոնում առաջարկվել է Եփրեմ Կարապետյանի թեկնածությունը
Դեսպան Մկրտումյանը հանդիպել է ԱՄԷ Դաշնային Ազգային խորհրդի նախագահի հետ
Քաղաքականություն
22.04.2019 | 20:07
ՀՀ ԱԳՆ-ից տեղեկացնում են, որ ապրիլի 22-ին Արաբական Միացյալ Էմիրություններում ՀՀ դեսպան Մհեր Մկրտումյանը հանդիպել է ԱՄԷ Դաշնային Ազգային խորհրդի (խորհրդարան) նախագահ Ամալ Ալ Քուբաիսիի (Amal Al Qubaisi) հետ:
«Շնորհակալություն հայտնելով ընդունելության համար՝ դեսպան Մկրտումյանը կարևորեց համագործակցության խորհրդարանական հարթակը հայ-էմիրաթական բարեկամական հարաբերությունների առավել սերտացման գործում: Այս համատեքստում ՀՀ դեսպանն ԱՄԷ խորհրդարանի նախագահին փոխանցեց Հայաստանի Ազգային ժողովի նախագահ Արարատ Միրզոյանի ողջույնները, ինչպես նաև տեղեկացրեց Հայաստանի ԱԺ-ում հայ-էմիրաթական բարեկամական խմբի ձևավորման և կազմի վերաբերյալ:
Ողջունելով հյուրին՝ ԱՄԷ Դաշնային Ազգային խորհրդի նախագահը նշեց, որ երկու երկրների միջև առկա են բարեկամական հարաբերություններ և համոզմունք հայտնեց, որ միջխորհրդարանական ձևաչափով երկկողմ համագործակցության խորացումը կնպաստի Հայաստանի և Արաբական Միացյալ Էմիրությունների միջև առկա համագործակցության առավել ամրապնդմանը:
Հանդիպմանը երկուստեք կարևորվեց խորհրդարանականների փոխադարձ այցելությունների կազմակերպումը»,- ասված է հաղորդագրությունում:
