06.08.2026 | 15:43
Հայ եկեղեցու առաջնորդը կկանգնի դատարանի առաջ՝ կառավարության հետ խորացող հակամարտության ֆոնին․ Reuters-ի անդրադարձը
Հեռուստառադիոյի բոլոր գովազդների շրջանառությունը կազմում է 22 մլն դոլար․ Տիգրան Հակոբյան․ ՏԵՍԱՆՅՈՒԹ
Քաղաքականություն
22.04.2019 | 16:11
Ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանն այսօր Հեռուստատեսության և ռադիոյի հանձնաժողովի նախագահ Տիգրան Հակոբյանից հետաքրքրվեց՝ որքան է կազմում հեռուստաընկերությունների ընդհանուր շրջանառությունը և արդյոք կա՞ միտում գովազդի գնի բարձրացման։
Ի պատասխան՝ Տիգրան Հակոբյանը նշեց, որ ՀՀ-ում կա միայն մեկ գովազդ վաճառող ընկերություն, ինչը բացասաբար է ազդում գովազդային բյուջեի ձևավորման վրա, քանի որ չկա մրցակցություն։
Անդրադառնալով հեռուստառադիոյի ոլորտի ընդհանուր շրջանառությանը՝ Տիգրան Հակոբյանը նշեց, որ թեև չի կարող բացահայտել, թե ինչ ստվերային փողեր կան, որոնք օգտագործվում են սեփականատերերի կողմից, սակայն կարող է ներկայացնել միայն գովազդից եկող գումարների չափը:
«Հեռուստառադիոյի բոլոր գովազդները, այդ թվում և մարզայինները, մաքսիմում կազմում են 22 մլն դոլար, ինչը չնչին գումար է այդ բնագավառի համար»,- ասաց նա։
Հիշեցնենք, որ Հակոբյանը Ազգային ժողովում ներկայացնում է «Հեռուստատեսության և ռադիոյի հանձնաժողովի 2018 թվականի գործունեության մասին» հաղորդումը։
Մանրամասները՝ տեսանյութում։
Աղավնի Սուքիասյան
