08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՀՀ քաղաքացուն սպառնալ, թե բա՝ դուք Մարտի 1-ից դասեր չե՞ք քաղել, որևէ մեկն իրեն թույլ տալ չի կարող․ Ալեն Սիմոնյան․ ՏԵՍԱՆՅՈՒԹ
Քաղաքականություն
22.04.2019 | 13:38
Ազգային ժողովում քննարկվում է ԱԺ փոխնախագահներ՝ Լենա Նազարյանի և Ալեն Սիմոնյանի ներկայացրած «2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց աջակցություն ցուցաբերելու մասին» օրենքի նախագիծը։
Նախագծի հեղինակներից ԱԺ փոխնախագահ Ալեն Սիմոնյանն իր ելույթում մանրամասնեց, թե այս օրենքն ինչի մասին է։
«Այս օրենքն այն բանի մասին է, որ այլևս ՀՀ-ում որևէ մեկն իրեն թույլ չպետք է տա Ազատության հրապարակն անվանել թատերական հրապարակ, այս օրենքը նրա մասին է, որ օլիգարխների սափրագլուխներն այլևս ձեռք չեն բարձրացնելու ժողովրդի վրա, նրա մասին է, որ ոստիկանն այլևս ձեռք չի բարձրացնելու ժողովրդի վրա, այն բանի մասին է, որ ՀՀ-ում արտոնյալներ և անձեռնմխելիներ չկան և ի վերջո, այն մասին է, որ ՀՀ քաղաքացուն սպառնալ, թե բա՝ դուք Մարտի 1-ից դասեր չե՞ք քաղել, որևէ մեկն իրեն թույլ տալ չի կարող»,- ասաց ԱԺ փոխնախագահը։
Ալեն Սիմոնյանը նախագծի մասին խոսելիս հիշեց աստվածաշնչյան մի դրվագ․ դժոխքում հայտնված Պիղատոսը մշատես լվանում է իր ձեռքերը, բայց միևնույնն է, դրանցից մշտապես արյուն է հոսում։
«Շատ ու շատ մարդիկ այսօր գումարներ են ծախսում, որպեսզի լվանան իրենց ձեռքերը, բայց այդ ձեռքերը երբեք այլևս մաքուր չեն լինելու»,- խոսքը եզրափակեց ԱԺ փոխնախագահը։
Մանրամասները՝ տեսանյութում։
Աղավնի Սուքիասյան
