14.12.2025 | 11:36
18:00-ից հետո քամու արագությունը զգալիորեն կնվազի և չի խանգարի տոնածառի լույսերի վառման արարողությանը․ Լևոն Ազիզյան
Առողջապահության նախարարն այցելել է «Սուրբ Գրիգոր Լուսավորիչ» բժշկական կենտրոն
Քաղաքականություն
21.04.2019 | 20:00
Առողջապահության նախարար Արսեն Թորոսյանն այցելել է «Սուրբ Գրիգոր Լուսավորիչ» բժշկական կենտրոն՝ հանդիպել բուժանձնակազմի հետ։
Ինչպես տեղեկացրին ՀՀ առողջապահության նախարարությունից, նախարարը ողջունել է անձնակազմին և կարևորել է բժշկական կենտրոնի դերը և նշանակությունն առողջապահության համակարգում՝ որպես պետական, խոշոր և բազմաֆունկցիոնալ հիվանդանոց։
Առաջին անգամ այս ձևաչափով նախարարը փորձել է հասկանալ պացիենտի հետ անմիջական շփվող բժիշկների աշխատանքի ընթացքում ծագող խնդիրները։ Կենտրոնի տնօրենը նախարարին է ներկայացրել ընթացիկ աշխտանքները, այն հիմնական խնդիրները, որոնց բախվում են առօրյայում։
Հարցուպատասխանի ընթացքում նախարարը արձանագրել է այն հիմնական կետերը, որոնց ուղղությամբ հետագայում պետք է աշխատանքներ տանել, մասնավորապես ծննդօգնության, ուռուցքաբանության, մանկաբարձագինեկոլոգիական, մանկաբուժության, առողջության առաջնային պահպանման և այլ ուղղություններով։
