11.07.2026 | 23:11
Լինդա Նոսկովան՝ «Ուիմբլդոնի» չեմպիոն. ՏԵՍԱՆՅՈՒԹ
Երևանի փոխքաղաքապետը գրադարանների կառավարման համակարգի անհրաժեշտություն է տեսնում
Քաղաքականություն
19.04.2019 | 22:48
Մայրաքաղաքում գործող համայնքային 19 գրադարանների համակարգում առկա խնդիրներին ու դրանց գործունեությանը տեղում ծանոթանալու նպատակով Երևանի քաղաքապետի տեղակալ Տիգրան Վիրաբյանն աշխատանքային այցով եղել է մի շարք գրադարաններում: Այս մասին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից։
«Մենք չենք կարող Երևան քաղաքի համայնքներում ունենալ լավ, վատ և շատ վատ վիճակումգտնվող գրադարաններ՝ ոչ միայն շենքային պայմաններով, այլև սպասարկմամբ, մենեջմենթով, գրքային ֆոնդով, միջոցառումների քանակով: Ինչպես գիտեք, մենք որդեգրել ենք միքաղաքականություն, որ Երևանը պետք է զարգանա համաչափ, և այս ոլորտում մենք նույնպեսպետք է կարողանանք ապահովել համաչափ զարգացում, իսկ կառավարման ներկահամակարգը մեզ թույլ չի տալիս իրականացնել համաչափ զարգացում, որովհետևգրադարանների մի մասը ենթրակվում է վարչական շրջաններին, գրադարան կա, որըենթարկվում է անմիջապես քաղաքապետարանին և այս կառավարումն, ըստ իս, արդյունավետչէ»,- նկատում է փոխքաղաքապետը:
Ընդգծելով միասնական համակարգի ներդրման կարևորությունը՝ Տիգրան Վիրաբյանը նկատում է՝ միայն այդ մոտեցմամբ է հնարավոր ոլորտում գրանցել ձեռքբերումներ:
«Ինչպես տեսնում ենք, այս գործող համակարգն ինքն իրեն սպառել է, և որոշ գրադարաններուղղակի իներցիայի ուժով ապրում են: Երևանի գրադարանների կառավարման նորհամակարգը պետք է բխի միմիայն քաղաքի ընթերցասեր հասարակության շահերից և պետք էբխի գրադարաններով ապրող ու իրենց ժամանակի որոշակի մասը գրադարաններումանցկացնող մարդկանց շահերից: Այն, ինչ մենք տեսնում ենք, որոշ տեղերում գոհացուցիչ է, որոշ տեղերում՝ շնորհակալության արժանի, բայց, ցավոք սրտի, շատ տեղերում նույնիսկբավարար չէ, և այս մասով մենք անելիք ունենք», – ընդգծում է Երևանի քաղաքապետի տեղակալը:
Կառավարման նոր մեխանիզմներ ու մոտեցումներ կիրառելու համար առաջիկայում մշակույթի վարչությունը կներկայացնի առաջարկներ:
Փոխքաղաքապետ Տիգրան Վիրաբյանը ստուգայցով եղել է նաև Նուբարաշենի երաժշտական դպրոցում և նորակառույց մանկապարտեզում:
Վարչական շրջանի նոր նախակրթարանն առաջիկայում իր դռները կբացի 132 սաների առջև:
Անակնկալ ստուգայցերը համայնքային կազմակերպություններ լինելու են շարունակական:
