19.06.2026 | 14:05
Մայրն ու տատը մեղավոր են ճանաչվել նորածնի մահվան գործով, բայց չեն ազատազրկվի
Անցումային արդարադատության հարցում շտապել պետք չէ, որ ունքը սարքելու փոխարեն աչքը չհանենք. Փաշինյան
Քաղաքականություն
19.04.2019 | 22:30
Այսօր Կառավարությունում քննարկում էինք առանց մեղադրական դատավճռի գույքի բռնագանձման մեխանիզմը և դա անցումային արդարադատության մի տարրերից է:
Այս մասին ֆեյսբուքյան ուղիղ եթերում, պատասխանելով օգտատիրոջ հարցին, թե երբ է Հայաստանում իրականացվելու անցումային արդարադատություն, ասաց ՀՀ վարչապետ Նիկոլ Փաշինյանը:
«Մենք ունեցանք խորհրդատվություն առանց մեղադրական դատավճռի գույքի բռնագանձման մեխանիզմները ՀՀ-ում կիրառելու հարցի շուրջ, ինչն, ըստ էության, անցումային արդարադատության տարրերից մեկն է: Այստեղ բազմաթիվ հարցեր կան, որոնք պետք է քննարկել, որովհետև այսպիսի մեխանիզմների արագ կիրառելն իր մեջ ռիսկեր է պարունակում: Որպեսզի չլինի այնպես, որ ունքը սարքելու փոխարեն աչքը հանեցինք, անհրաժեշտ է շտապողականություն չցուցաբերել: Այդպիսի մեխանիզմները չեն կարող մեկ կամ երկու ամսում ներդնել: Պետք է դրանք մանրամասն քննարկվեն, տրվեն միջազգային, տեղական փորձաքննության, այդ կարծիքները հավաքագրվեն, որպեսզի մենք համոզված լինենք, որ գնում ենք ճիշտ ճանապարհով», – ասաց Նիկոլ Փաշինյանը՝ հավելելով, որ եթե հիմա բոլորին գնան և բռնեն և անցումային արդարարատության ենթարկեն, վաղը այդ բոլոր գործերը գնալու են ՄԻԵԴ և կարող են Կառավարությանը պարտավորությունների առաջ կանգնեցնել:
