Քաղաքականություն
19.04.2019 | 21:53
Հայաստանում հաշմանդամություն ունեցող քաղաքացիները պետք է իրենց լավ զգան, որովհետև այսօր ՀՀ կառավարությունում հաշմանդամություն ունեցող երկու նախարար կա:
Այսօր ի պատասխան ֆեյսբուքյան օգտատերերից մեկի հարցին՝ թե երբ են Հայաստանում հաշմանդամություն ունեցող քաղաքացիները լավ ապրելու, ասաց ՀՀ վարչապետ Նիկոլ Փաշինյանը:
«Սա նաև ցույց է տալիս մեր ընկալումը, մեր վերաբերմունքը: Հաշմանդամը չունի կարեկցանքի կարիք։ Դա սխալ մոտեցում է։ Հաշմանդամը կարիք ունի, որ մենք նրանց վերաբերվենք որպես լիարժեք քաղաքացու»,– ասաց վարչապետը՝ որպես օրինակ բերելով աշխարհահռչակ գիտնական Սթիվեն Հոքինգին:
«Հայաստանում բնակվող հաշմանդամներն իրենց ունակությունները, տաղանդը իրագործելու հնարավորություն ունեն այնպես, ինչպես աշխարհահռչակ գիտնական Սթիվեն Հոքինգը»,– ասաց վարչապետը:
