14.12.2025 | 13:11
ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել
Եթե Սերժ Սարգսյանը մինչև հիմա որևէ հանցագործության մեջ չի մեղադրվում, այդ դեպքում ինչի՞ համար էր հեղափոխությունը. հարց՝ Փաշինյանին
Քաղաքականություն
19.04.2019 | 21:09
Եթե Սերժ Սարգսյանը մինչև հիմա որևէ հանցագործության մեջ չի մեղադրվել, հանցագործ չէ, այդ դեպքում ինչի՞ համար էր հեղափոխությունը. ֆեյսբուքյան օգտատերերից մեկն այս հարցն էր ուղղել վարչապետ Նիկոլ Փաշինյանին:
Ի պատասխան օգտատիրոջ հարցին՝ վարչապետ Փաշինյանը հիշեցրեց, որ արդեն իսկ կան հարուցված տասնյակ քրեական գործեր բարձրաստիճան նախկին պաշտոնյաների նկատմամբ:
«Այսօր ձերբակալված են Մանվել Գրիգորյանը, Ռոբերտ Քոչարյանը, հետախուզում է հայտարարվել Միհրան Պողոսյանի և այլ նախկին պաշտոնյաների նկատմամբ»,-հիշեցրեց վարչապետը:
Նա նաև նշեց, որ իրեն համար սկզբունքը մեկն է՝ ոչ մեկն արտոնյալ չի լինելու, օրենքի առաջ բոլորն են հավասար:
«Սակայն ինձ ուղղված այս հարցում կա այլ կոնտեքստ ևս՝ անկախ նրանից՝ Սերժ Սարգսյանը ինչ-որ գործով կմեղադրվի, թե ոչ:Ես այս հարցի տողատակում կարդում եմ հետևյալը՝ հնարավոր է արդյոք Սերժ Սարգսյանի հետ թաքուն պայմանավորվածություններ ունեք: Ասում եմ հստակ՝ ես չեմ կարող այդպիսի խաղիկների մեջ ներգրավված լինել. սա եկեք միանշանակ փաստենք: Ես չեմ կարող ասել՝ Սերժ Սարգսյանը որևէ բանի մեջ կմեղդադրվի, թե ոչ, բայց կարող եմ երաշխավորել, եթե մեղադրվելու համար հիմքեր լինեն, որևէ քաղաքական խոչընդոտ չի լինի»,-վստահեցրեց ՀՀ վարչապետը:
Ըստ Փաշինյանի՝ Հյուսիս–հարավի գործով արդեն քանի ամիս քրգործ է քննվում։
«Ենթադրվո՞ւմ է, որ այստեղ պետք է լինեն ներգրավված պաշտոնյաներ, այո, ենթադրվում է, բայց առ այսօր չկան, քանի որ այդ գործի ծավալն այնքան մեծ է, որ քննությունը շատ երկար կարող է տևել»,– նշեց նա:
