16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
«Քեթրին»-ը սննկացավ, տեղը բացվեց նորը․ Թագուհի Թովմասյանը՝ սնանկության գնացող ընկերությունների մասին․ ՏԵՍԱՆՅՈՒԹ
Քաղաքականություն
19.04.2019 | 17:51
Ազգային ժողովի «Իմ քայլը» խմբակցության պատգամավոր Թագուհի Թովմասյանն այսօր խորհրդարան ներկայացած ՏՄՊՊՀ նախագահի թեկնածու Գեղամ Գևորգյանից հետաքրքվեց վերջինիս գնահատականն այն երևույթներին, երբ որոշ ընկերություններ, որոնք ունեն ցածր վարկանիշ, զբաղվել կամ զբաղվում են մենաշնորհային գործունեությամբ, հետո սնանկանում են, իսկ ավելի ուշ՝ բացում նոր ընկերություն, սակայն նույն գործառույթներով։
«Օրինակ՝ այսօր հետախուզման մեջ գտնվող Միհրան Պողոսյանի ընտանիքին պատկանող «Քեթրին» ընկերության մասին է խոսքը, որը սնանկացավ և բացվել է նոր ընկերություն, որը զբաղվում է նույն գործունեությամբ»,- ասաց Թագուհի Թովմասյանը։
Ի պատասխան պատգամավորի՝ Գեղամ Գևորգյանն ասաց, որ «Քեթրին» և նոր բացված «Բանանա» ընկերության գործունեությանը ծանոթ չէ․ սակայն կա հարկադիր սնանկացման մասին օրենսդրություն, որը պարզում է՝ տվյալ ընկերությունը իսկապես սնանկացել է, թե՞ ընկերության տնօրենը հարկադրված է գնացել նման քայլի՝ պարտքերից ազատվելու և նոր էջից սկսելու համար։
Պատգամավոր Թովմասյանը ՏՄՊՊՀ նախագահի թեկնածուին խնդեց այդ պաշտոնում ընտրվելուց հետո հատուկ ուշադրություն դարձնել ընկերությունների սեփականատերերին։
Մանրամասները՝ տեսանյութում։
Աղավնի Սուքիասյան
