02.07.2026 | 12:03
Կատարը հայտարարել է, որ Դոհայում ԱՄՆ-Իրան անուղղակի բանակցությունները «դրական առաջընթաց» են գրանցել
Ովքեր իմ անունը կապում են Մարտի 1-ի հետ, անբարոյականի տղերք են. Գագիկ Ծառուկյան. ՏԵՍԱՆՅՈՒԹ
Քաղաքականություն
19.04.2019 | 14:34
Ես եղունգ չեմ նայում, մինչև չլինի իրավապահ մարմինների գնահատականը, ես չեմ կարող ասել: Ազգային ժողովում այս մասին ասաց «Բարգավաճ Հայաստան» խմբակցության ղեկավար Գագիկ Ծառուկյանը՝ լրագրողների խնդրանքով մեկնաբանելով Ռոբերտ Քոչարյանի հայտարարությունը, թե ինքն ապօրինի է կալանքի տակ, քանի որ ընդդիմադիր գործիչ է, ով քննադատում է Փաշինյանին:
«Այսօր քննվում է: Կքննվի, կներկայացվի, բոլորս էլ տեղյակ կլինենք: Քաղաքական է, քաղաքական չի, ծանոթ-բարեկամով է, պետք է լինի իրավապահ մարմինների համապատասխան եզրակացությունն ու քննությունների արդյունքները»,- ասաց Ծառուկյանը:
Հարցին՝ Մարտի 1-ի գործով ինքը նույնպե՞ս հարցաքննվել է, Գագիկ Ծառուկյանն արձագանքեց. «Ես Ձեր վրա զարմացնում եմ, աղջիկ ջան… Ծառուկյանն ի՞նչ կապ ունի, որ քննեն. ծառայող է, զինվոր է, պատասխանատու է…»:
Դիտարկմանը, որ իր անունն էլ են կապում Մարտի 1-ի հետ, ԲՀԿ ղեկավարը հայտարարեց. «Ով ասել է, անբարոյական մարդ է: Ծառուկյանի վրա ուզում են բիծ քաշեն»:
Մանրամասները՝ տեսանյութում:
Շողիկ Գալստյան
