17.01.2026 | 11:12
Fitch Ratings-ը բարձրացրել է Հայաստանի վարկանիշի հեռանկարը՝ դարձնելով «Դրական», և հաստատել է վարկանիշը «BB-» մակարդակում
Սերժ Սարգսյանի ելույթին սպասում է 60 հազար քաղաքացի, որոնք գնալով շատանում են. Շարմազանով. ՏԵՍԱՆՅՈՒԹ
Քաղաքականություն
19.04.2019 | 14:15
Ես շատ ուրախ եմ, որ նախագահ Սերժ Սարգսյանի խոսքի անհրաժեշտությունը և սպասումը մեծ է, նա կխոսի և ո՛չ մեկ անգամ: Այս մասին լրագրողների հետ հանդիպման ժամանակ հայտարարեց Էդուարդ Շարմազանովը:
Factor.am-ը Շարմազանովից հետաքրքրվեց՝ ի՞նչ զարգացումներ են հետևելու Սերժ Սարգսյանի հայտարարությանը և արդյո՞ք հասարակությունը պատրաստ է լսել մի ղեկավարի խոսքը, որին մեկ տարի առաջ հարյուր հազարավոր մարդիկ մերժեցին:
«Հիմա, եթե ես այստեղ պատմեմ, թե նա ի՞նչ է խոսելու, էլ իմաստը ո՞րն է, որ նա խոսի: Պարոն նախագահին լսելու ցանկություն ունեն և նրա խոսքին սպասում են բազմաթիվ քաղաքացիներ: Առնվազն 60 հազար քաղաքացի, որոնք մեզ ձայն են տվել, և նրանք գնալով շատանում են»,- պատասխանեց Էդուարդ Շարմազանովը: Մեր դիտարկմանը, թե Սերժ Սարգսյանը հայոց պատմության մեջ կմնա որպես ղեկավար, որի կառավարման շրջանում 800 հեկտար տարածքային կորուստ ունեցանք, Շարմազանովն արձագանքեց. «Սերժ Սարգսյանի օրոք Հայաստանն ապրիլյան պատերազմի ժամանակ հաղթել է: 800 հեկտարից եթե խոսում եք, կողքը դրեք նաև այն ութ հազար հեկտարը, որ ազատագրվել է»:
Մանրամասները՝ տեսանյութում:
Նարեկ Կիրակոսյան
