08.10.2026 | 22:59
14 ժամ ջուր չի լինի Արարատի մարզի մի շարք հասցեներում
Ի՞նչ պատիժ է սահմանում Քրեական օրենսգիրքը Դավիթ Սանասարյանին առաջադրված մեղադրանքի հիմքով
Հասարակություն
19.04.2019 | 14:01
ՀՀ Ազգային անվտանգության ծառայությունը նախօրեին տեղեկություն էր տարածել, որ ՊՎԾ պետ Դավիթ Սանասարյանին մեղադրանք է առաջադրվել ՀՀ Քրեական օրենսգրքի 308-րդ հոդվածի 1-ին մասով: Ստորև ներկայացնում ենք, թե ինչ պատիժ է սահմանվում սույն հոդվածի դեպքում.
«Հոդված 308. Պաշտոնեական լիազորությունները չարաշահելը՝ 1.Պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելը կամ ծառայողական պարտականությունները չկատարելը՝ շահադիտական, անձնական այլ շահագրգռվածությունից կամ խմբային շահերից ելնելով, որն էական վնաս է պատճառել անձանց, կազմակերպությունների իրավունքներին ու օրինական շահերին, հասարակության կամ պետության օրինական շահերին (գույքային վնասի դեպքում՝ հանցագործության պահին սահմանված նվազագույն աշխատավարձի երեքհարյուրապատիկի չափը գերազանցող գումարը կամ դրա արժեքը)՝ պատժվում է տուգանքով՝ նվազագույն աշխատավարձի երկուհարյուրապատիկից երեքհարյուրապատիկի չափով, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը հինգ տարի ժամկետով, կամ կալանքով՝ երկուսից երեք ամիս ժամկետով, կամ ազատազրկմամբ՝ առավելագույնը չորս տարի ժամկետով»:
Հավելենք, որ Դավիթ Սանասարյանն իրեն առաջադրված մեղադրանքը չի ընդունում և այն շինծու է որակում:
Լիլիթ Շաբոյան
