04.04.2026 | 12:43
Ավտոմեքենան դուրս է եկել ճանապարհի երթևեկելի հատվածից և գլորվել ձորը
Հայաստանի և ՌԴ-ի ղեկավարները մայիսի 29-ին կհանդիպեն ԵՏՄ նիստի շրջանակում. Մատվիենկո
Քաղաքականություն
19.04.2019 | 13:48
Հայաստանի և Ռուսաստանի ղեկավարները մայիսի 29-ին կհանդիպեն Եվրասիական տնտեսական միության (ԵՏՄ) Բարձրագույն խորհրդի նիստի շրջանակում: ՏԱՍՍ-ի փոխանցմամբ՝ այս մասին ասել է ՌԴ Դաշնային խորհրդի խոսնակ Վալենտինա Մատվիենկոն ՀՀ ԱԺ նախագահ Արարատ Միրզոյանի հետ հանդիպման ժամանակ:
«Մեր պետությունների ղեկավարներն անցյալ տարի հանդիպել են յոթ անգամ, նրանք մշտական կապի մեջ են: Մայիսի 29-ին նրանք կհանդիպեն ԵՏՄ Բարձրագույն խորհրդի շրջանակում, որը տեղի կունենա Ղաազախստանում»,- ասել է Մատվիենկոն:
Նա նշել է, որ հոկտեմբերի 1-ին «նման միջոցառում կանցկացվի նաև Երևանում», և երկրների ղեկավարները հնարավորություն կունենան ևս մեկ անգամ հանդիպելու:
Բացի այդ՝ ապրիլի 30-ին աշխատանքային այցով Հայաստանում կլինի նաև ՌԴ վարչապետ Դմիտրի Մեդվեդևը: Հիշեցնենք, որ Երևանում անցկացվելու է ԵՏՄ միջկառավարական խորհրդի նիստը:
