02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
Տատիկ֊պապիկների նիսյաները փակվե՞լ են, որ 124 մլն քաղաքացու օրվան են տալիս. Շարմազանով. ՏԵՍԱՆՅՈՒԹ
Քաղաքականություն
19.04.2019 | 13:36
Ժողովուրդն ավելի վատ է ապրում, իսկ ներդրումները պակասել են: Այսօր լրագրողների հետ հանդիպմանը հայտարարեց ՀՀԿ խոսնակ, ԱԺ նախկին փոխնախագահ Էդուարդ Շարմազանովը:
«Չկա լուրջ ներդրումային ծրագիր: Այսօրվա իշխանությունը չունի լուրջ տնտեսական օրակարգ»,- ասաց նա: Անդրադառնալով Քաղաքացու օրվա միջոցառումների համար 124 մլն դրամ հատկացնելու՝ Կառավարության որոշմանը, Շարմազանովը հիշեցրեց Նիկոլ Փաշինյանի մի հայտարարություն, որում նա նշում էր, թե սահմանամերձ համայնքներին բիզնես արտոնություններ տալու փոխարեն «այդ գյուղերի տատիկ-պապիկների խանութների պարտքերը փակեք»:
«124 մլն դրամով Քաղաքացու օր է նշում, իբր երկրի հարցերը լուծել է, հիմա էլ քաբաբ-խորովածով տոնում է: Նույն Փաշինյանը չէ՞ր, որ ԱԺ-ում, երբ ընդդիմադիր պատգամավոր էր, հայտարարում էր՝ այս պապիկ-տատիկները նիսյաներ ունեն, Կառավարությունն արդյունավետ չի աշխատում: Պարո՛ն Փաշինյան, տատիկ-պապիկները կշտացե՞լ են, որ հիմա այդքան գումարով տոն ես նշում»,- ասաց նա:
Մանրամասները՝ տեսանյութում:
Նարեկ Կիրակոսյան
