15.12.2025 | 11:46
Հայաստանն օգնություն է խնդրել ԵՄ-ից՝ ընտրություններում արտաքին միջամտությունից պաշտպանվելու համար. Կալաս
Պարո՛ն Մարուքյան, կարևորը չմտահոգվեք, մնացածը՝ հեչ․ Ալեն Սիմոնյանի ակնարկը՝ ԼՀԿ ղեկավարին․ ՏԵՍԱՆՅՈՒԹ
Քաղաքականություն
19.04.2019 | 13:02
Այսօր Ազգային ժողովի ամբիոնին էր մոտեցել «Բարգավաճ Հայաստան» խմբակցության ղեկավար Գագիկ Ծառուկյանը։ Նրա ելույթը ԱԺ կանոնակարգով սահմանված ժամանակից երկար տևեց։ Նիստը վարող ԱԺ փոխնախագահ Ալեն Սիմոնյանն ընդհատեց Ծառուկյանին՝ ասելով․ «Շնորհակալություն, պարո՛ն Ծառուկյան, արդեն երրորդ տասնյակն ա սկսվում»։
ԲՀԿ առաջնորդն արձագանքեց․ «Ուրեմն ասեմ հիմնական խնդիրը, պարո՛ն փոխնախագահ, ուրեմն Դուք պետք է թույլ տաք, մարդը հարցի պատասխանն ասի, ես բոլորին էլ հարգում եմ, բայց մարդը պետք ա տեղյակ լինի»։
Սիմոնյանը նկատեց՝ ինքը թույլ է տալիս, օրենքը թույլ չի տալիս։ «Ուրեմն, հիմնական, տնտեսության հարցով մասնագետ, խնդիր, լուծում, առաջարկ, տնտեսական հեղափոխության համար սաղ էլ նվիրյալներ են, բայց նվիրյալ լինելը․․․ պետք է հասկանալ ոլորտից»,- ասաց ԲՀԿ առաջնորդը:
Մինչ Ծառուկյանը կշտապեր հեռանալ ԱԺ ամբիոնից, Ալեն Սիմոնյանը փոքրիկ ակնարկ հղեց ընդդիմադիր մյուս ուժի՝ «Լուսավոր Հայաստանի» առաջնորդին․ «Մեր մյուս գործընկերներն էլ թող չանհանգստանան, վստահ եղեք՝ նման դեպքերում ձեզ էլ նման վերաբերմունք կլինի, ես գիտեմ որ դուք չեք կասկածում, պարո՛ն Մարուքյան»։
Մանրամասները՝ տեսանյութում:
Ռոբերտ Անանյան
