21.04.2026 | 12:49
«Հանրային ձայնը» չի կարող մասնակցել ընտրություններին, կսատարենք ընդդիմադիր ուժերին․ Արտակ Գալստյան․ ՏԵՍԱՆՅՈՒԹ
Որևէ մեկը թույլ չի տվել, որ մեր խոշորագույն գործարանները փոշիացնեք․ Միքայել Մելքումյան․ ՏԵՍԱՆՅՈՒԹ
Քաղաքականություն
19.04.2019 | 11:18
Ազգային ժողովում այսօր քննարկվում է «Պետական տուրքի մասին» Հայաստանի Հանրապետության օրենքում լրացում կատարելու մասին և կից ներկայացված օրենքի նախագծերի փաթեթը, որով առաջարկվում է Հայաստան ներմուծվող իրանական ցեմենտի պետտուրքը սահմանել 22 հազար դրամ, ինչը դժգոհություններ է առաջացրել տեղական արտադրողների մոտ․ նրանք պահանջում են պետտուրքի գինը սահմանել շատ ավելի բարձր։
Ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանը նշեց, որ Արարատի ցեմենտի գործարանն ունի 1400 աշխատող, մոտ 500 վարորդ, Հրազդանի ցեմենտի գործարանը՝ 400 աշխատող և այս երկու գործարանների աշխատողների ընդհանուր թիվը կազմում է 2500 աշխատող։
«Հիմա եթե մենք հարկում ենք իրանական ցեմենտը, որի արդյունքում այն հավասարվում է կլինկերի գնին (ցեմենտի խտանյութը – խմբ.), այն խոշոր գործարանները, որոնք հոսանքի՝ 1,5 մլն դոլար, գազի՝ 3 մլն դոլար ծախսով կլինկեր էին արտադրում, դա չեն անի և այն կներմուծեն։ Արդյունքում մենք կկորցնենք այդ ստրատեգիական նշանակության հումքի արտադրությունը»,- ասաց ԲՀԿ-ական պատգամավորը՝ շեշտելով, Կառավարությունն այս հարցում լուրջ քայլեր պետք է իրականացնի։
«Որևէ մեկը թույլ չի տվել, որ մեր խոշորագույն գործարանները փոշիացնեք․ կոլեկտիվներին հստակ պատասխան կտաք»,- ասաց Մելքումյանը։
Մանրամասները՝ տեսանյութում։
Աղավնի Սուքիասյան
