12.07.2026 | 09:01
Ռոման Բերեզովսկին ռուսական ակումբ է գլխավորել
2018-ին Թուրքիայում բնակվող միլիոնատերերի 10%-ը լքել է երկիրը
Քաղաքականություն
18.04.2019 | 22:45
Թուրքիայում շարունակվում է միլիոնատերների արտագաղթը երկրից։ Ըստ «AfrAsia Bank Limited» բանկի զեկույցի՝ 2018թ․ Թուրքիայում ապրող միլիոնատերների 10%-ը լքել է երկիրը։ Թվային արտահայտմամբ 2018-ին երկից հեռացել է 4000 միլիոնատեր: Այս ցուցանիշով խնդրո առարկա ժամանակահատվածում Թուրքիան առաջ է անցել բոլոր երկրներից:
2014-2018թթ Թուրքիայից արտագաղթել է ընդհանուր առմամբ 17 հազար միլիոնատեր։
Credit Suisse շվեյցարական հայտնի բանկի հրապարակած զեկույցի համաձայն էլ, եթե 2018-ին ամբողջ աշխարհում միլիոնատերերի թիվն ավելացել է, ապա Թուրքիայում դրանց թիվը նվազել է։ Ընդհանուր առմամբ Թուրքիայում այս պահին կա 79․242 միլիոնատեր։ Միլիոնատերերի թվի նվազումը բանկը կապում է վերջին տարիներին թուրքական ազգային արժույթի՝լիրայի արժեզրկման հետ։
Զեկույցում նշվում է, որ 2018-ին Թուրքիայից և այլ երկրներից արտագաղթած միլիոնատերերը հիմնականում հաստատվել են Ավստրալիայում, ԱՄՆ-ում, Կանադայում և այլ երկրներում։
Նշենք, որ 2015 և 2016թթ. էլ Թուրքիայից արտագաղթել է 6000 միլոնատեր։
ermenihaber.am
