09.10.2026 | 11:13
ՈՒԵՖԱ-ի անդամ բոլոր երկրները միացել են ՖԻՖԱ-ում բարեփոխումների կոչին՝ բացառությամբ Ադրբեջանի
Սերժ Սարգսյանի կողմից պարգևատրվելուց մինչև մեղադրյալի աթոռ. Լևոն Երանոսյանի գործը հասել է դատարան. ՏԵՍԱՆՅՈՒԹ
Հասարակություն
18.04.2019 | 20:25
Վաղը Երևանի ընդհանուր իրավասության դատարանում պիտի կայանա նախկին փոխոստիկանապետ, ոստիկանության զորքերի հրամանատար Լևոն Երանոսյանի գործով դատական նիստը։ Կողմերը, սակայն, այդ մասին չեն ծանուցվել։
Ըստ մեղադրանքի Լևոն Երանոսյանը հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ:
Նրա պաշտպանի փոխանցմամբ Երանոսյանը իրեն առաջադրված մեղադրանքները չի ընունում։ Պաշտպանը Լևոն Երանոսյանի՝ ցույցերի ակտիվ մասնակցումը պայմանավորում է նրա պաշտոնով և պնդում, որ նա իր լիազորություններից դուրս չի գործել։ Մինչդեռ «Նոր սերունդ» ՀԿ-ի փաստաբան, Լևոն Երանոսյանի գործով տուժող ճանաչված Յուրա Սողոյանի ներկայացուցիչ Արա Ղարագյոզյանի կարծիքով, Լևոն Երանոսյանը օրենք է խախտել:
«Լևոն Երանոսյանը իրավունք չի ունեցել հատուկ միջոցներ կիրառելու, 20-ից ավելի տուժող կա այս գործով և բազմաթիվ տեսանյութեր»,- ասում է նա։
Արա Ղարագյոզյանի պաշտպանյալը բեկորային վնասված է ստացել, բայց դրա դիմաց փոխհատուցում չի եղել։ Փաստաբանը նկատում է, որ Լևոն Երանոսյանը մարդկանց հիշողություներում միայն հեղափոխության օրերին Բաղրամյանի և Արցախի փողոցներում տեղի ունեցած դեպքերով չէ, որ մնացել է։
Լևոն Երանոսյանի գործը մակագվել է Երևան քաղաքի ընդհանուր իրավասության դատարանի դատավոր Հարություն Մանուկյանին։
Մանրամասները՝ տեսանյութում։
Լիլիթ Շաբոյան
