19.10.2026 | 19:40
«Անցյալ կատարյալ»-ը հեռավոր երազանքների ցանկից՝ իրականություն․ լրագրող Միլենա Խաչիկյանը գիրք է հրատարակել
10 օր հացադուլ անցկացնող Ատոմ Մկրտչյանի վիճակը ծանր է․ համագյուղացիների ահազանգը. ՏԵՍԱՆՅՈՒԹ
Քաղաքականություն
18.04.2019 | 13:39
Գեղարքունիքի մարզի Վանևան համայնքի բնակիչ Ատոմ Մկրտչյանը արդեն 10 օր հացադուլի մեջ է ու պահանջում է 30 տարվա գյուղապետ Նորայր Հարությունյանի հրաժարականը։ Այսօր կառավարության շենքի մոտ էին եկել Վանևանի տասնյակ բնակիչներ՝ կառավարությունից պահանջելով հստակ քայլեր ձեռնարկել գյուղապետի հրաժարականին հասնելու նպատակով։
«Հացադուլավորի վիճակը գնալով վատանում է, կարող ա մի երկու ժամից ընկնի»,- Factor.am-ի հետ զրույցում պատմեց Վանևանի բնակիչ Էդգար Սարգսյանը։
Ըստ նրա՝ կրքերը թեժացել են հատկապես 2018-ի հունիսի 10-ի ընտրություններից հետո, երբ Հարությունյանը վերընտրվել է․ «Բարձրաձայնել ենք գյուղապետի թալանած-կերածները՝ հիմնավոր ապացույցներով, իբր 30 հազար դոլարի ջրագիծ են անցկացրել, որ շուրջօրյա ջրամատակարարում լինի, բայց չկա։ Պահուստային ֆոնդի հողերը լրիվ տիրապետում է համայնքի ղեկավարը, համայնքում խողովակները հանեցին տարան վաճառեցին ու իրենց սեփական կարիքների համար օգտագործեցին»,- պատմեց Էդգար Սարգսյանը։
Նրա խոսքով, թեև գյուղապետի իրենց թեկնածուն չհաղթեց ընտրություններում, այնուհանդերձ, ընդդիմությունը մեծամասնություն է կազմել ավագանիում՝ 5-ից 3 տեղ իրենք են տիրապետում։ «Հունիսի 29-ից հետո ավագանու որևէ նիստ տեղի չի ունեցել մինչ օրս։ Ավագանին 8 ամիս տվեց գյուղապետին աշխատելու, բայց էդ մարդը դրական առումով ոչ մի բան չի արձանագրել։ Հիմա ավագանու 3 անդամը հերթական նիստի ժամանակ բարձրաձայնեց իր չարաշահումները և առաջնորդվելով «ՏԻՄ» մասին 26-րդ հոդվածի 1-ին կետի 7-րդ մասով, այն դեպքում երբ ավագանին նիստ չի գումարում, կարող է բարձրացվել համայնքի ղեկավարի հրաժարականի հարցը։ Էդ հարցով առաջնորդվելով՝ ավագանին անվստահություն հայտնեց։ Որոշում եկավ կառավարությունից, թե ավագանու 2/3-րդը պետք է անվստահություն հայտնի գյուղապետին։ Այդպես էլ հարցը մնաց առկախված»,- պատմեց Էդգար Սարգսյանը։
Մանրամասները՝ տեսանյութում:
Ռոբերտ Անանյան
