19.10.2026 | 19:40
«Անցյալ կատարյալ»-ը հեռավոր երազանքների ցանկից՝ իրականություն․ լրագրող Միլենա Խաչիկյանը գիրք է հրատարակել
«Գազպրոմ-Արմենիայի» հետ շատ ակտիվ քննարկվում է գազի ներքին գնագոյացման հարցը․ Գարեգին Բաղրամյան․ ՏԵՍԱՆՅՈՒԹ
Քաղաքականություն
18.04.2019 | 13:58
Մինչև 2020 թվականի հուլիսը նախատեսված է ձևավորել ԵՏՄ-ի ընդհանուր էներգետիկ շուկան, որը ենթադրում է անդամ պետությունների էներգետիկ համակարգերի միացում և մեկ ընդհանուր էլեկտրոնային հարթակի ստեղծում, ինչը հնարավորություն կտա ավելի էժան էլեկտրաէներգիա գնել և ՀՀ-ից էլ արտահանել ավելի մեծ քանակի։
Այս մասին այսօր Ազգային ժողովում ասաց Էներգետիկ ենթակառուցվածքների և բնական պաշարների նախարարի պաշտոնակատար, ՀԾԿՀ նախագահի թեկնածու Գարեգին Բաղրամյանը։
Անդրադառնալով բնական գազի շուկայի հետ կապված խնդիրներին՝ նախարարն ասաց, որ գազի շուկան ձևավորվելու է 2025 թվականին և փոխադրման սակագների մասով ԵՏՄ անդամ պետությունների միջև վեճեր կան։
«Սակայն կա պայմանավորվածություն, որ մինչև հուլիսի 1-ը երկկողմանի կներկայացվի սահմանին գազի ձեռքբերման նոր համաձայնագիր, որտեղ կամրագրվի, թե այդ գինն ինչպես է ձևավորվելու առնվազն 5 տարիների համար։ Ինչ վերաբերում է Իրան-Հայաստան հզորությունների ավելացմանը, ապա վարչապետի պաշտոնական այցից հետո իրականացվել են քայլեր և մեր կողմից արդեն մշակվել է գազի ներկրման և էլեկտրաէներգիայի արտահանման ծավալների ավելացման վերաբերյալ նոր համաձայնագիրը»,- ասաց Բաղրամյանը՝ հավելելով․ «Այս փուլում «Գազպրոմ-Արմենիայի» հետ շատ ակտիվ քննարկվում է գազի ներքին գնագոյացման հարցը»։
Մանրամասները՝ տեսանյութում։
Աղավնի Սուքիասյան
