17.01.2026 | 10:51
Լարս ավտոճանապարհը բաց է բոլոր տեսակի տրանսպորտային միջոցների համար
Վահագն Հովակիմյանը մեծ ձգտում ուներ աշխատել Գագիկ Ծառուկյանի «Կենտրոն» ՀԸ-ում. Իվետա Տոնոյան. ՏԵՍԱՆՅՈՒԹ
Հասարակություն
18.04.2019 | 14:47
«Իմ քայլի» շատ գործընկերների ելույթներ ելույթ ունենալու համար են և շատ հաճախ ինքնանպատակ բնույթ են կրում: Այս մասին Factor.am-ի հետ զրույցում ասաց Գագիկ Ծառուկյանի մամուլի խոսնակ, ԲՀԿ խմբակցության պատգամավոր Իվետա Տոնոյանը՝ պատասխանելով հարցին, թե ինչպես են վերաբերվում «Իմ քայլի» այն հայտարարություններին, որ Գագիկ Ծառուկյանը ելույթ չի ունենում:
«Պարոն Ծառուկյանը բազմաթիվ անգամ է անդրադարձել այդ թեմային՝ նշելով, որ ԲՀԿ-ն մեկ կուռ քաղաքական թիմ է, և բոլոր որոշումները կայացվում են խմբակցության ղեկավարի հետ քննարկման ժամանակ: Պարոն Ծառուկյանի բացակայությունները պայմանավորված են օլիմպիական կոմիտեի նախագահ լինելու հետ: Այսինքն՝ հանդիպումներ, գործուղումներ և այլն»,- ասաց նա:
Հարցին՝ չի՞ ստացվում, որ այս դեպքում Գագիկ Ծառուկյանի պատգամավորական գործունեությունը և մյուս աշխատանքներն անհամատեղելի են և նա պետք է ընտրի՝ ինչով է զբաղվելու, Իվետա Տոնոյանն ասաց. «Դրանք գործունեության տարբեր ոլորտներ են, և ԲՀԿ-ի գործունեությունը ոչ մեկը չի կարող կասկածի տակ դնել: Այդ աշխատանքի արդյունավետությունը պայմանավորված է խմբակցության ղեկավարի գործունեությամբ: Այսօր ինչ-որ հայտարարություններ եմ լսում ԲՀԿ-ի կարճ հիշողության մասին: Պատգամավոր Վահագն Հովակիմյանը հորդորեց թարմացնել ԲՀԿ-ի պատգամավորների հիշողությունը, որ պարոն Ծառուկյանը միայն վերջերս է սկսել ելույթներ ունենալ ԱԺ-ում: Ինձ համար տարօրինակ էր Վահագն Հովակիմյանի այդ հայտարարությունը՝ կապված հիշողության կորստի հետ: Ես կարծում եմ, որ պարոն Հովակիմյանի մոտ է հիշողության կորուստ դրսևորվում, որովհետև նա բազմաթիվ անգամներ «Հայկական ժամանակ»-ից հեռացվելուց հետո շատ ինտենսիվորեն աշխատանք էր խնդրում Գագիկ Ծառուկյանին պատկանող բիզնեսներում: Նա մեծ ձգտում ուներ աշխատել «Կենտրոն» հեռուստաընկերությունում»,- ասաց նա:
Մանրամասները՝ տեսանյութում:
Նարեկ Կիրակոսյան
