15.12.2025 | 19:37
Միքայել արքեպիսկոպոսի գործով նիստը մեկնարկեց վերաքննիչում
Չկա՞ մտավախություն, որ գովազդներից բյուջե հոսող գումարները կհոսեն սոցիալական ցանցեր․ Գևորգ Պապոյան․ ՏԵՍԱՆՅՈՒԹ
Քաղաքականություն
18.04.2019 | 12:52
Ազգային ժողովում այսօր քննարկվում է «Լուսավոր Հայաստան» խմբակցության կողմից ներկայացված «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություն և լրացում կատարելու մասին» օրենքի նախագիծը, որով առաջարկվում է արգելել ֆիզիկական անձանց կամ լիցենզիա չունեցողների կողմից վարկերի տրամադրման վերաբերյալ տարածվող գովազդները՝ այդ թվում և սոցիալական ցանցերում։
ԱԺ «Իմ քայլը» խմբակցության պատգամավոր Գևորգ Պապոյանը հարցադրում հնչեցրեց՝ չկա՞ արդյոք վտանգ, որ այդ գովազդներն արգելելու արդյունքում բյուջե մուտքագրվող գումարները կուղղվեն սոցիալական ցանցեր, որտեղ, ըստ էության, դժվար է արգելել գովազդները, թեև շեշտեց, որ կիսում է նախագծի հեղինակների բոլոր մտահոգությունները։
Հարցին ի պատասխան՝ Մանե Թանդիլյանը նշեց, որ այս նախագծի ընդունումը կտա հնարավորություն արդեն մեխանիզմներ կիրառել սոցիալական մեդիայում և ֆեյսբուքում այսօրինակ գովազդներն արգելելու համար։
Թանդիլյանը նաև հավելեց՝ առաջարկված նախագիծը թեև ամեն դեպքի համար հնարավոր չի լինելու կիրառել, սակայն կդառնա կանխարգելիչ գործոն և էականորեն կկրճատի այդ գովազդների տարածումը, իսկ ինչ վերաբերում է գովազդներից բյուջե եկող գումարներին, ապա ինքը նախընտրում է այդ տարբերակով բյուջե գումարներ չհոսեն։
Մանրամասները՝ տեսանյութում։
Աղավնի Սուքիասյան
