20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
ԼՀԿ-ն առաջարկում է սահմանափակել վարկերի տրամադրման մասին օր օրի աճող գովազդները՝ այդ թվում ֆեյսբուքում․ ՏԵՍԱՆՅՈՒԹ
Քաղաքականություն
18.04.2019 | 12:44
Ազգային ժողովում այսօր քննարկվում է «Լուսավոր Հայաստան» խմբակցության կողմից ներկայացված «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություն և լրացում կատարելու մասին» օրենքի նախագիծը։
Նախագծի հիմնական զեկուցող Մանե Թանդիլյանը նշեց, որ նախագծի անհրաժեշտությունը բխում է սոցցանցերում մեծ ծավալների հասնող ֆիզիկական անձանց կողմից տարածվող գովազդներից բխող վտանգներից։
«Պարզել ենք, որ այս անձինք որևէ առնչություն չունեն բանկերի ու ֆինանսական կազմակերպությունների հետ, այլ ունենալով ընդամենը որոշակի ֆինանսական և իրավական գիտելիքներ՝ մարդկանց առաջարկում են բանկերից ստանալ ծառայություններ, որոնք քաղաքացիները նույնությամբ կարող են ստանալ առանց որևէ միջնորդի, բայց պահանջում են միջնորդավճարներ, որոնք հաճախ կազմում են վարկերի 25-30%-ը, ընդհուպ՝ 40 տոկոսը՝ արդյունքում քաղաքացիների համար է՛լ ավելի թանկացնելով առանց այդ էլ թանկ վարկերը»,- ասաց նա։
Մանե Թանդիլյանն ասաց, որ առկա է հնարավորություն ֆեյսբուքում նմանատիպ գովազդներն արգելելու համար, սակայն այն հնարավոր կլինի իրականացնել իրենց առաջարկած փոփոխություններն իրականացնելուց հետո։
Մանրամասները՝ տեսանյութում։
Աղավնի Սուքիասյան
