18.12.2025 | 13:18
Ռուսաստանը և ԱՄՆ-ն այս հանգստյան օրերին բանակցություններ կանցկացնեն Մայամիում. Politico
Խուճապահար են եղել «Իմ քայլը» խմբակցության անդամները. Թեհմինա Վարդանյան. ՏԵՍԱՆՅՈՒԹ
Քաղաքականություն
18.04.2019 | 11:15
Երևանի ավագանու «Իմ քայլը» խմբակցության անդամները շարունակում են նախկին իշխանությունների գործելաոճը և մեկ գիշերվա մեջ ինքնագլուխ որոշումներ են կայացնում: Լրագրողների հետ զրույցում այս մասին ասաց ավագանու «Լույս» խմբակցության անդամ Թեհմինա Վարդանյանը՝ անդրադառնալով աղբատար մեքենաների գնման հարցը գործադիրի այսօրվա նիստի օրակարգում ներառելու խնդրին:
«Հստակ խուճապահար են եղել ավագանու «Իմ քայլը» խմբակցության անդամները: Նրանք նույն նախկին իշխանությունների գործելաոճն են շարունակում և մեկ գիշերվա մեջ ինքնագլուխ որոշումներ են կայացնում, իրենք պատրաստում են բոլոր փաստաթղթերը: Այսինքն՝ ո՛չ հանրությանը, ո՛չ ավագանու երկու խմբակցություններին՝ «Լույս»-ին և «Բարգավաճ Հայաստանին», որևէ բանի մասին չեն տեղեկացնում»,- հավելեց նա:
Նա զուգահեռ անցկացրեց այս հարցի և ձնամաքրման մեքենաների ձեռքբերման որոշման միջև. «Ձնամաքրման 9 մեքենաներն առանց մրցույթի գնելու ժամանակ քաղաքապետարանի պաշտոնական կայքում լուր տեղադրվեց, որ մրցույթում հաղթող է ճանաչվել «Կամազ» ընկերությունը: Երբ մենք բացեցինք գնման ակտերը, հստակ երևաց, որ գնումը կատարվել է մեկ անձից: Այստեղ մենք հստակ կարող ենք այս հանգամանքը կասկածի տակ դնել, որովհետև թե՛ երեկվա նրանց հայտարարությունը, թե՛ հապճեպ՝ մեկ գիշերվա մեջ հարցը Կառավարության նիստ մտցնելը շատ տարօրինակ է»:
Մանրամասները՝ տեսանյութում:
Ռոբերտ Անանյան
