17.01.2026 | 11:12
Fitch Ratings-ը բարձրացրել է Հայաստանի վարկանիշի հեռանկարը՝ դարձնելով «Դրական», և հաստատել է վարկանիշը «BB-» մակարդակում
Նոր Հայաստանում 1-ին դեպքն է, որ պետական մակարդակով հակամրցակցային համաձայնություն է ձեռք բերվել. ՏԵՍԱՆՅՈՒԹ
Տնտեսություն
18.04.2019 | 11:09
«Ես կատարում եմ մեկ հստակ պնդում և հույս ունեմ, որ պատկան մարմինները սրան կարձագանքեն։ Քաղաքապետարանը կատարել է հստակ գործողություններ, որ գնում, ի վերջո, իրականացվի մեկ կազմակերպությունից։ Ես բարձրաձայնում եմ՝ սա նոր Հայաստանի պատմության առաջին դեպքն է, որ քաղաքի և պետության մակարդակով հակամրցակցային համաձայնություն է ձեռք բերվել»,- այսօր Կառավարության շենքի առաջ հայտարարեց Երևանի ավագանու «Լույս» խմբակցության անդամ Դավիթ Խաժակյանը։
Նշենք, որ Կառավարության այսօրվա նիստի օրակարգում ընդգրկված է «Գնման ընթացակարգերի կազմակերպման մասին» հարցը, որով կառավարությունը թույլ է տալու Երևան համայնքին աղբատար մեքենաների ձեռքբերումը կազմակերպել մեկ անձից գնման ձևով։
«Մենք ասում ենք, որ 900 միլիոն դրամանոց գնումը մեկ անձից իրականացնելը ճիշտ չէ և պետք է այն լինի բացարձակ օրինական։ Քաղաքապետարանը մեր կոչերին չլսեց, ու հայտարարեց տեխնիկական այնպիսի պարամետրերով մրցույթ, որով կարող էր հաղթել միայն «Կամազ» մակնիշի մեքենան։ Նշված է, թե ինչպիսի չափսեր պիտի ունենան մեքենայի ամրաշրջանակային մոնտաժային երկարությունը, նշված է՝ 6 ունիկալ չափս, որը կարող է համապատասխանել միայն մեկ մեքենայի»,- ասաց Դավիթ Խաժակյանը։
«Լույս» խմբակցության անդամը հայտարարեց, թե անցած տարվա հոկտեմբեր-նոյեմբեր ամիսներից քաղաքապետարանի կողմից բանակցվում է «Սանիթեք» ընկերության հետ՝ աղբահանության խնդրի վերաբերյալ։ Ըստ նրա՝ եթե միջոցներ չձեռնարկվեն, արդեն այս սեզոնին ու ամռանը սպասվում է աղբահանության շատ լուրջ ճգնաժամ։
Մանրամասները՝ տեսանյութում:
Ռոբերտ Անանյան
