28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ատոմ Ջանջուղազյանը պաշտոնանկ չի արվի․ դա պահանջող նախագծին կողմ քվեարկեցին միայն ԲՀԿ-ն և ԼՀԿ-ն․ ՏԵՍԱՆՅՈՒԹ
Քաղաքականություն
18.04.2019 | 11:02
Ազգային ժողովում այսօր քննարկման դրվեց «Կառավարության առանձին անդամի պաշտոնանկության հարցը վարչապետի քննարկմանն առաջարկելու մասին ԱԺ որոշման» նախագիծը, որով «Լուսավոր Հայաստան» խմբակցությունը պահանջում է ֆինանսների նախարար Ատոմ Ջանջուղազյանի պաշտոնանկությունը։
ԱԺ «Լուսավոր Հայաստան» խմբակցության պատգամավոր էդմոն Մարուքյանն ասաց, որ իրենց խմբակցությունը պնդում է Ջանջուղազյանին պաշտոնանկ անելու հարցը, իսկ «Բարգավաճ Հայաստան» խմբակցության պատգամավոր Միքայել Մելքումյանն էլ հավելեց՝ իրենց ամբողջ խմբակցությունը կողմ է քվեարկելու որոշման նախագծին։
ԱԺ «Իմ քայլը» խմբակցության ղեկավար Լիլիթ Մակունցը հայտարարեց, որ իրենք դեմ են քվեարկելու նախագծին, քանի որ մեկ անգամ պաշտոնյային ԱԺ հրավիրելն ու նրա պարզաբանումները լսելը չի կարող հիմք հանդիսանալ նրա պաշտոնանկության համար։
Նախագիծը մերժվեց 67 դեմ, 41 կող, 1 ձեռնպահ ձայների հարաբերակցությամբ։
Հիշեցնենք, որ «Լուսավոր Հայաստան» խմբակցությունը այս նախագիծը շրջանառության մեջ էր դրել Կառավարությանը ներկայացրած գրավոր հարցապնդումից հետո։
Մանրամասները՝ տեսանյութում։
