22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Անկարայում կայացել է Լուկաշենկոյի և Էրդողանի հանդիպումը
Քաղաքականություն
17.04.2019 | 21:42
Անկարայում կայացել է Թուրքիայի և Բելառուսի նախագահների համատեղ մամուլի ասուլիսը։ Ինչպես հայտնի էր, Բելառուսի նախագահ Ալեքսանդր Լուկաշենկոն Թուրքիայի նախագահ Ռեջեփ Թայիփ Էրդողանի հրավերով մեկնել էր Անկարա. գրել է ermenihaber-ը:
Սա 23 տարվա մեջ Լուկաշենկոյի առաջին պաշտոնական այցն է Թուրքիա։
Էրդողանն ասուլիսի ժամանակ հույս է հայտնել, որ 2 երկրների հարաբերությունները բոլոր ոլորտներում ավելի կզարգանան: Թուրքիայի նախագահը առանձնացրել է տնտեսական համագործակցությունը, մասնավորապես կապի, տրանսպորտի և ՏՏ ոլորտներում: Տեղեկացրել է, որ կողմերը նպատակ ունեն առևտրաշրջանառությունը հասցնել 1.5 միլիարդ դոլարի: Ըստ Էրդողանի՝ երկուստեք խրախուսվելու են գործարար ներդրումները:
Նշվում է, որ հանդիպման շրջանակներում Թուրքիայի և Բելառուսի միջև 6 պայմանագիր է ստորագրվել, որոնցից մեկը վերաբերում է ռազմարդյունաբերական համագործակցությանը:
