02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
Բոլոր նրանց, ովքեր կփորձեն դանակ և զենք ֆռռացնել, ասֆալտին կփռենք ու պատերով կտանք․ Փաշինյանը՝ Թագուհի Թովմասյանի բարձրաձայնած խնդրի մասին․ ՏԵՍԱՆՅՈՒԹ
Քաղաքականություն
17.04.2019 | 19:38
Ազգային ժողովի «Իմ քայլը» խմբակցության պատգամավոր Թագուհի Թովմասյանն այսօր խորհրդարանում բարձրաձայնեց Գեղարքունիքի մարզի Վանևան համայնքում տիրող լարված իրավիճակի մասին՝ նշելով, որ համայնքի բնակիչները պահանջում են համայնքի ղեկավարի հրաժարականը և հաշվի առնելով այն, որ բողոքի ակցիա անող երիտասարդների մոտ, ըստ ականատեսների, եղել են դանակներ, կարող է կրկնվել Արմավիրի մարզի Զարթոնք գյուղի պատմությունը։
Պատգամավորի բարձրաձայնած խնդրի վերաբերյալ վարչապետ Նիկոլ Փաշինյանն ասաց․ «Իրականում այս հարցը դարձյալ սուպերվարչապետության մասին է․ հիմա մենք ուզում ենք, որ Կառավարությունը միջամտի, օրինակ՝ եթե Զարթոնքի դեպքում միջամտեինք, կասեին, ա՛յ կառավարությունը միջամտեց։ Ես իմ դիրքորոշումն արտահայտել եմ և կրկնում եմ՝ եթե գյուղերում կա բողոքի չընդհատվող ալիք, գյուղապետը թող տա հրաժարական և նշանակվեն նոր ընտրություններ։ Իսկ ինչ վերաբերում է նրան, որ դանակներ են տեսել, ապա նշեմ, որ բոլոր նրանք, ովքեր բռնությամբ կփորձեն հարցեր լուծել, դանակ, զենք ֆռռացնել, ոչ միայն ասֆալտին կփռենք, այլ նաև պատերին կտանք»։
Մանրամասները՝ տեսանյութում։
