08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Գազպրոմ Արմենիայի» կրճատումների վրա, եթե Կառավարությունն ազդի, դա կարող է բացասաբար ազդել գազի գնի վրա․ Մհեր Գրիգորյան․ ՏԵՍԱՆՅՈՒԹ
Քաղաքականություն
17.04.2019 | 18:41
Ես չեմ կարծում, որ «Գազպրոմ Արմենիայում» տեղի կունենան մասսայական կրճատումներ․ եթե խոսում ենք նույն տեսուչների մասին, ապա պետք է նշեմ, որ տեսուչների այդ քանակը գուցե այլևս պետք չէ, որովհետև հաշվիչների այլ տեսակներ և տեխնոլոգիական լուծումներ կան, որոնց պարագայում տեսուչների ներկայիս թիվը պահպանելը տեղին չէ։
Այս մասին այսօր Ազգային ժողովում ի պատասխան ԱԺ «Լուսավոր Հայաստան» խմբակցության պատգամավոր Սարիկ Մինասյանի հարցին՝ ի՞նչ քայլերի կարող է դիմել Կառավարությունը, որպեսզի այդ կրճատումները տեղի չունենան, ասաց փոխվարչապետ Մհեր Գրիգորյանը։
«Իհարկե՛, հազարավոր թվերով կրճատումների մասին մամուլի տեղեկությունները իրականությանը չեն համապատասխանում, բայց ինչպես ցանկացած ընկերությունում էվոլյուցիոն զարգացման փուլում կրճատումները չենք բացառում»,-ասաց փոխվարչապետը։
Պատգամավորը հավելեց, որ հավանաբար այդ կրճատումները կապված են գազի գնի թանկացման հետ, հետևաբար, ճիշտ կլիներ, որ Կառավարությունը միջամտեր, որպեսզի այդ կրճատումները տեղի չունենան։
«Մեր ցանկությունն է, որ կրճատում չլինի, իսկ եթե հիմա ասենք, որ ընկերությունը հավելյալ ծախսեր անի, դա գազի գնի վրա բացասական ազդեցություն կունենա և կտարածվի բոլոր սպառողների վրա»,- ասաց փոխվարչապետը։
Մանրամասները՝ տեսանյութում։
Աղավնի Սուքիասյան
