06.02.2026 | 17:01
Դատավորները փորձում են մեղադրողից պարզել՝ ինչու է ակնհայտ մեղմ համարում Միքայել Աջապահյանի դատավճի. ՏԵՍԱՆՅՈՒԹ
Պետական ապարատի վերին շերտում կոռուպցիան գլխատված է. Արեն Մկրտչյան. ՏԵՍԱՆՅՈՒԹ
Քաղաքականություն
17.04.2019 | 18:54
Պետական կառավարման վերին մակարդակում կոռուպցիան իսպառ վերացած է։ Պատասխանելով Factor.am-ի հարցին՝ ասաց ԱԺ «Իմ քայլը» խմբակցության պատգամավոր Արեն Մկրտչյանը։
«Պետական ապարատի վերին շերտում կոռուպցիան գլխատված է, իսկ միջին և ստորին օղակներում կոռուպցիայի դեմ պայքարը շարունակվում է»,- ասաց պատգամավորը։
Երեկ մամուլում լուրեր շրջանառվեցին, որ Պետական վերահսկողական ծառայության պետ Դավիթ Սանասարյանը որպես կասկածյալ է ներգրավվել Ազգային անվտանգության ծառայությունում քննվող քրեական գործով։
Հիշեցնենք՝ գործն առնչվում է ՊՎԾ պաշտոնատար անձանց կողմից պաշտոնեական դիրքի չարաշահմամբ պետական գնումների գործընթացին առերևույթ ապօրինի միջամտելու և օրինական ձեռնարկատիրական գործունեության համար խոչընդոտներ ստեղծելու դեպքերին։ Մեր հարցին՝ ճանաչելով Դավիթ Սանասարյանին, ինչ կարող է ասել, հնարավո՞ր է որևէ կոռուպցիոն գործում ներգրավված լինի, Մկրտչյանն ասաց․ «Անկախ նրանից, ով է, եթե որևէ մեկը շեղվում է ճիշտ ճանապարհից, պետք է պատասխանատվության ենթարկվի»։
Մանրամասները՝ տեսանյութում:
Շողիկ Գալստյան
