08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Եթե 50 հազար աշխատատեղ է ստվերից դուրս եկել, ինչպես է «1000 դրամների» հիմնադրամում ավելացել ընդամենը 5026 աշխատողի վճարած 1000 դրամ․ պատգամավորը՝ Փաշինյանին․ ՏԵՍԱՆՅՈՒԹ
Քաղաքականություն
17.04.2019 | 17:59
Ազգային ժողովի «Լուսավոր Հայաստան» խմբակցության պատգամավոր Արմեն Եղիազարյանը վարչապետ Նիկոլ Փաշինյանին հիշեցրեց ԵԽԽՎ ամբիոնից նրա կողմից հնչեցված 50 հազար ստվերային աշխատողների օրինական դաշտ տեղափոխվելը։
«Ինչպես գիտեք՝ զինծառայողների ապահովագրության հիմնադրամի մուտքերում յուրաքանչյուր աշխատողի համար արտացոլվում է 1000 դրամ և, իմ ունեցած տեղեկություններով, հեղափոխությունից հետո մինչև 2018 թվականի դեկտեմբերը ներառյալ այդ հիմնադրամի ամսական ցուցանիշն աճել է 5 մլն 26 հազար դրամով, իսկ դա նշանակում է, որ ստվերից օրինական դաշտ է տեղափոխվել 5026 աշխատող։ Հարկ եմ համարում նշել, որ արդեն մոտ 6451 քաղաքացի էլ դիմել է հիմնադրամ՝ վճարված 1000 դրամները ետ ստանալու համար։ Հիմա հարց՝ կամ ստվերից դուրս եկած քաղաքացիների գումարները չեն արտացոլվում հիմնադրամում, կամ Ձեզ սխալ թվեր են ներկայացել»,- ասաց պատգամավորը։
Ի պատասխան Նիկոլ Փաշինյանն ասաց, որ թվերը չեն կարող սխալ լինել, քանի որ դրանք ներկայացրել է ՊԵԿ-ը, իսկ ինչ վերաբերում է 1000 դրամներին, ապա Կառավարությունը միջոցներ կձեռնարկի, որ դրանք վճարվեն պատշաճ կարգով։
Փաշինյանը հավելեց, որ պատգամավորի բարձրաձայնած խնդրի հետ կապված էլ կպահանջի պարզաբանում։
Մանրամասները՝ տեսանյութում։
Աղավնի Սուքիասյան
