26.11.2024 | 10:25
Ալիևը զանգահարել է Դոնալդ Թրամփին
Հյուսիս-հարավի ծրագիրը չենք կարողանալու ժամանակին ավարտել․ Հակոբ Արշակյան. ՏԵՍԱՆՅՈՒԹ
Տնտեսություն
17.04.2019 | 16:30
«Հյուսիս-Հարավի» նախագիծը չենք կարողանալու ժամանակին ավարտել. Հակոբ Արշակյան Նախկինում որոշ ուշացումների պատճառով մենք չենք կարողանալու այդ ծրագիրը ժամանակին ավարտել՝ չնայած ամբողջ թափով ընթանում են աշխատանքները: Այսօր հրավիրված մամուլիսում այս մասին ասաց ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը:
«Հյուսիս-Հարավ ավտոճանապարհի ծրագրով 3-րդ տրանշով շինարարական աշխատանքները շարունակվում են: Այս տարի պետք է ավարտեինք Թալին-Լանջիկ և Լանջիկ-Գյումրի հատվածը, բայց նախկինում որոշ ուշացումների պատճառով մենք չենք կարողանալու այդ ծրագիրը ժամանակին ավարտել»,- ասաց նախարարը: Նրա խոսքով՝ հիմա վերջնաժամկետի հետ կապված բանակցում են ընկերության հետ. «Մենք միտված ենք, որպեսզի հնարավորինս կարճ ժամկետում ավարտին հասցնեն: Բայց քանի որ, գիտեք, տեխնիկական հարցեր կան, փորձում ենք իրենց նույնպես լսել, հասկանալ և վերջնաժամկետը ֆիքսել: Այս մասին կտեղեկացնենք»: Եվս մեկ խոշոր ծրագիր էլ նախատեսվում է իրականացնել Սյունիքի մարզում՝ Սիսիան-Քաջարան հատվածում:
«8.7 կմ երկարությամբ մեծ թունելի և 3 կամուրջի շինարարությամբ մենք կարողանում ենք այդ հատվածում շուրջ երկու ժամով կրճատել երթևեկության տևողությունը, բարձրացնել և՛ ճանապարհի կարգը, և՛ անվտանգությունը»,- ասաց Հակոբ Արշակյանը:
Մանրամասները՝ տեսանյութում:
