08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Եթե դրա համար անհրաժեշտ են սահմանադրական փոփոխություններ, մենք կանենք նաև դա․ Լենա Նազարյան․ ՏԵՍԱՆՅՈՒԹ
Քաղաքականություն
17.04.2019 | 15:32
Կառավարության գործունեության մեջ ինձ հետաքրքրում է երեք հարց, որ կառավարման գործընթացը պետք է լինի թափանցիկ, հաշվետու, ժամանակի ու ծախսերի տեսանկյունից արդյունավետ:
Այս մասին ԱԺ-ում կառավարության կառուցվածքի փոփոխությունների հարցի քննարկման ժամանակ ասաց ԱԺ փոխնախագահ Լենա Նազարյանը:
«Հիմա ուզում եմ հասկանալ, թե այս երեքից որի հետ խնդիր ունենք: Հայաստանում չի եղել ավելի թափանցիկ գործող վարչապետ և կառավարություն: Չի եղել ավելի շատ ասուլիս ու հարցազրույցներ հրավիրող վարչապետ: Խորհրդարանական վերահսկողության վերաբերյալ. պարոն Մարուքյան, առաջարկելով նախարարություններ դարձնել նշված կառույցները, Դուք ոչ թե ուզում եք վերահսկել, այլ ավելի ուժեղացնել այդ կառույցների ղեկավարներին, քանի որ այդ դեպքում այդ կառույցների ղեկավարները դառնալու են կառավարության անդամ ուժեղ ֆիգուրներ: Ձեր ասած զսպումների և հակակշիռների մեխանիզմների մասին, որ անընդհատ խոսում եք, այս դեպքում չի գործում: Այդ մենք ենք հոգ տանում, որ զսպումները գործեն»,- ասաց նա։
Անդրադառնալով «Իմ քայլը» խմբակցության ղեկավար Լիլիթ Մակունցի առաջարկին՝ օրենքով սահմանել, որ ուժային կառույցների ղեկավարները, ՊԵԿ-ը գան ԱԺ և պատգամավորների հարցերին պատասխանեն՝ Նազարյանն ասաց. «Եթե դրա համար անհրաժեշտ են սահմանադրական փոփոխություններ, մենք կանենք նաև դա»։
Մանրամասները՝ տեսանյութում։
Աղավնի Սուքիասյան
