09.10.2026 | 10:07
Երեք հայ բռնցքամարտիկներ մեդալ են ապահովել պատանեկան ԵԱ-ում
Քաղաքապետարանի ստորաբաժանումը ապամոնտաժել է Օղակաձև զբոսայգու մի սրճարան
Տնտեսություն
17.04.2019 | 13:48
Երևանի քաղաքապետի մամուլի խոսնակ Հակոբ Կարապետյանը ֆեյսբուքի իր էջում արված գրառմամբ տեղեկացրել է, որ քաղաքապետարանի ստորաբաժանումը ապամոնտաժել է Օղակաձև զբոսայգում տարիներ ի վեր անխնամ վիճակում գտնվող սրճարանը
«Տեղեկացրել էինք, որ քաղաքում հանրային տարածքների վերադարձի գործընթացը շարունակական է լինելու: Այսօր քաղաքապետարանի ստորաբաժանումը ապամոնտաժել է Օղակաձեւ զբոսայգում տարիներ ի վեր անխնամ վիճակում գտնվող սրճարանը: Տարածքը կկանաչապատվի:
Օղակաձեւ այգու մյուս օբյեկտները գույքագրվում են, դրանց վերաբերյալ եւս, հաշվի առնելով իրավական կարգավորումները, համապատասխան որոշում կկայացվի:
Ավելի մանրամասն՝ քիչ անց»,- գրել է նա:
Հիշեցնենք, որ սրճարանները ապամոնտաժելու ու մայրաքաղաքի կանաչ գոտին ընդարձակելու գործընթացը քաղաքապետարանն սկսեց օպերային հարակից տարածքի սրճարաններից:
