13.12.2024 | 15:44
ԱՄՆ-ը հաջողությամբ փորձարկել է LRHW գերձայնային հրթիռը․ ՏԵՍԱՆՅՈՒԹ
Ահա և վերջ․ Հայկ Կոնջորյանը՝ որոշ մարդկանց խորը կսկիծով հանած հոգոցների մասին․ ՏԵՍԱՆՅՈՒԹ
Քաղաքականություն
17.04.2019 | 14:07
Ազգային ժողովի «Իմ քայլը» խմբակցության պատգամավոր Հայկ Կոնջորյանը խորհրդարանում իր ելույթն սկսեց այսպես․ «Ահա և վերջ. տխուր հոգոց հանեց մի ծեր և իմաստուն ձի՝ տեսնելով առաջին ավտոմեքենան։ Ինձ թվում է, որ որոշ մարդիկ ահա այսպիսի խորը կսկիծով հոգոց են հանել այն պահին, երբ հասկացել են, որ ավարտվել է Հայաստանի պետական համակարգը ձևախեղելու իրենց էպոխան»։
Անդրադառնալով Կառավարության կառուցվածքի փոփոխության մասին հարցին՝ Հայկ Կոնջորյանը նշեց, որ այն, ինչ առաջարկում է գործող Կառավարությունը, միտված է փոխելու արմատացած այն երևույթը, երբ Կառավարության կառուցվածքը երկար տարիներ ծառայում էր քաղաքական վերաբաշխումներին և ստատուս քվոյի պահպանմանը, ինչի մասին խոսել են բոլոր ընդդիմությունները։
Ըստ Կոնջորյանի՝ Կառավարությունն ու քաղաքական մեծամասնությունը գիտակցում են, որ ողջ քաղաքական պատասխանատվությունն իրենցն է, ուստի ժամանակ է հարկավոր Կառավարության տեսլականն իրագործելու համար, իսկ այդ տեսլականն իրականություն դարձնելու համար անհրաժեշտ գործիքակազմն էլ զետեղված է Կառավարության կառուցվածքի փոփոխության մասին ներկայացված նախագծում։
Մանրամասները՝ տեսանյութում։
