20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
ԱԱԾ-ն ու Ոստիկանությունը նախարարություններ դարձնել պետք չէ․ կվնասեն ժողովրդավարությանը․ Մարիա Կարապետյան․ ՏԵՍԱՆՅՈՒԹ
Քաղաքականություն
17.04.2019 | 13:33
Ազգային ժողովի «Իմ քայլը» խմբակցության պատգամավոր Մարիա Կարապետյանը Ոստիկանությունն ու ԱԱԾ-ն նախարարություններ դարձնելու հարցի շուրջ երկմտող քաղաքացիներին վստահեցնում է՝ դա անել չարժե, որովհետև այս փուլում այդ քայլը կվնասի մեր ժողովրդավարությանը։
Ապա Մարիա Կարապետյանը հիշեցնում է, որ տարիներ շարունակ մեր երկրի սահմանների մեծ մասը փակ է, և մենք ունենք Արցախի խնդիր, իսկ այդ պարագայում շատ հեշտ է ուժային կառույցները մանիպուլացնել և դարձնել ոչ լեգիտիմ առաջնորդների ձեռքում կեղծ լեգիտիմություն ապահովող գործիքներ։
«Հետևաբար Ոստիկանությունն ու ԱԱԾ-ն պետք է դառնան ապաքաղաքական կառույցներ։ Չպետք է լինեն քաղաքական թիմերի կառույցներ, չպետք է իրենց առաջ դնեն քաղաքական նպատակներ»,- շեշտեց «Իմ քայլի» պատգամավորը։
Անդրադառնալով ուժային կառույցների հաշվետվողականության խնդրին՝ պատգամավորը նշեց, որ որևէ բան չի խանգարում, որ այդ հաշվետվողականության հետ կապված հարցերն ուղղվեն այդ ուժերի համար քաղաքական պատասխանատվություն կրող վարչապետին կամ կատարելով օրենքում փոփոխություններ, նրանց Ազգային ժողով ներկայանալու և հարցերին պատասխանելու հնարավորություն տալ։
Մանրամասները՝ տեսանյութում։
Աղավնի Սուքիասյան
