09.06.2026 | 20:45
Մի քանի քվեն ու պատերազմի սպառնալիքը․ ինչպես վերահաշվարկը կարող է փոխել ապագա ԱԺ-ի պատկերը. ՏԵՍԱՆՅՈՒԹ
«Իմ քայլի» պատգամավորը խնդրում է վերանայել Մշակույթի և Կրթության նախարարությունները միավորելու հարցը․ ՏԵՍԱՆՅՈՒԹ
Մշակույթ
17.04.2019 | 13:23
Նախորդ իշխանությունները վարեցին մի քաղաքականություն, որի արդյունքում մեր մշակույթը հայտնվեց գերեզմանափոսում, 2018 թվականի հեղափոխությունից հետո կար սպասում, որ բոլորս միասին կարող ենք հանել գերեզմանափոսում հայտնված մեր մշակույթը։
Այս մասին այսօր Ազգային ժողովում Կառավարության կառուցվածքի փոփոխության մասին հարցի քննարկման ժամանակ ասաց «Իմ քայլը» խմբակցության պատգամավոր Սոֆիա Հովսեփյանը։
«Սակայն մշակույթը ոչ միայն մնաց այնտեղ, այլ բուռ առ բուռ հող սկսեցինք լցնել վրան, իսկ վերջերս՝ նաև բահ առ բահ»,- ասաց պատգամավորը։
Անդրադառնալով կրթության ոլորտի խնդիրներին էլ պատգամավորը հիշեցրեց ԿԳ նախարար Արայիկ Հարությունյանի՝ իր հարցազրույցներից մեկում հնչեցված միտքը, թե կրթության ոլորտում ժառանգել է փլատակներ։
«Իսկ հիմա դեռ այդ փլատակներից չձերբազատված մենք նրան ենք միացնում նաև Մշակույթի նախարարությունը։ Եթե դեռ չենք ազատվել այդ փլատակներից, ինչպե՞ս պետք է գերեզմանափոսից հանենք մշակույթը»,- հարցադրում հնչեցրեց իմքայլական պատգամավորը՝ խնդրելով նախագծի հաջորդ ընթերցումների ժամանակ Մշակույթի և Կթության նախարարությունների միավորման հարցը վերանայել։
Մանրամասները՝ տեսանյութում։
Աղավնի Սուքիասյան
