03.09.2026 | 14:44
Ռուբեն Ռուբինյանն ընդունել է ՀՀ-ում Եգիպտոսի դեսպան Ամալ Աֆիֆիին
Սկզբում ժողովուրդը սիրում է իշխանությանը, հետո իշխանությունը սկսում է սիրել իրեն․ Տարոն Սիմոնյան․ ՏԵՍԱՆՅՈՒԹ
Քաղաքականություն
17.04.2019 | 12:40
Ազգային ժողովի «Լուսավոր Հայաստան» խմբակցության պատգամավոր Տարոն Սիմոնյանն այսօր իր ելույթում նշեց, որ եթե մենք ուզում ենք առաջ գնալ, ապա պետք է սկսենք մեզանից, սակայն, դա չենք ուզում անել։
Սիմոնյանը նաև շեշտեց՝ անիմաստ է իրենց խմբակցության ներկայացրած առաջարկների մասին նորից խոսելը, քանի որ արդեն իսկ հասկացել են՝ իշխանությունը դրանք քննարկել չի ցանկանում։
«Իշխանության կենտրոնացումը մեկ անձի կամ որոշ անձանց ձեռքում, որևէ լավ բանի չի տանում։ Առաջին փուլում ժողովուրդը սիրում է իշխանությանը և նրան պարգևում կարևոր որոշում ընդունելու հնարավորություն, երկրորդ փուլում՝ իշխանությունը սկսում է սիրել իրեն, որովհետև սկսում է մի քիչ ավելի շատ նայել հայելու մեջ, իսկ ահա երրորդ փուլում՝ իշխանությունը սկսում է զարմանալ, որ ժողովուրդն այլևս իրեն չի սիրում, և սկսում է օտարման գործընթացը, իսկ սրա դեմն առնելու ճանապարհը վերահսկողական մեխանիզմների կիրառումն է»,-ասաց պատգամավորը՝ շեշտելով, որ ընդդիմադիր պատգամավորները պարտավոր են կասկածել իշխանությունների կարողություններին։
«Որովհետև դուք մարդ եք, իշխանություն ունեցող մարդ եք, և դա գայթակղություն է»,- հավելեց Սիմոնյանը։
Մանրամասները՝ տեսանյութում։
Աղավնի Սուքիասյան
