08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Գլուխը բացելուց հետո, լեզվի տակից փամփուշտ գտան. սպանված ոստիկանի նախկին ներկայացուցիչ
Հասարակություն
17.04.2019 | 12:20
«Սասնա ծռերի» գործով հարցաքննվեց նաև ՊՊԾ գնդի գրավման օրերին սպանված ոստիկան Յուրա Տեփանոսյանի քավորը` Տրգրան Գրիգորյանը, որը նախկինում գործում ներգրավվել էր, որպես սպանվածի ներկայացուցիչ:
Գրիգորյանը դատարանում ասաց, որ մասնակցել է Տեփանոսյանի դիահերձմանը. «Գլուխը բացելուց հետո լեզվի տակից հանել են փամփուշտ, թաղմանն եմ մասնակցել, ընտանիքի կողքին եմ եղել, այդքան բան»:
Գրիգորյանն ասաց, որ տեղեկություններ ունի, որ Տեփանոսյանին վերևից դիպուկահարով կրակել են: Մեղադրողի հարցին, թե որտեղից այդ տեղեկությունները, ասաց, որ այդ տարածքից է լսել. «Նստած ա եղել հետևի նստարանին, իրենց ասելով բացի Տեփանոսյանից մեքենայի մեջ ևս երեք անձ է եղել»:
Տիգրան Գրիգորյանն ասաց, որ իր ներկայությամբ թույլ չի տվել խոսել, քննարկել Տեփանոսյանի սպանության հանգամանքների մասին. «Մարմնի վրա բացի հարզենային վնասվածքից այլ վնասվածքներ չեն եղել»:
Պավել Մանուկյանը հարց հղեց Գրիգորյանին, թե արդյոք զենքերն իրարից տարբերո՞ւմ է, տեսե՞լ է գնդակը ինչ տեսակի հարզենի է պատկանում. «Էդ րոպեին իմ աչքի դեմը բացել են գրել են, 7.62 տրամագիծ ուներ»:
Պավել Մանուկյանը հարցրեց, եթե պարկուճը տեսնեք կտարբերե՞ք, քանի որ դրանից ճակատագիր է կախված: Գրիգորյանը նաև ասաց, որ պարկուճը գլխից հանելիս լուսանկարել են այն:
Լիլիթ Շաբոյան
