03.04.2026 | 17:49
Ամերիկյան կործանված ինքնաթիռի օդաչուն, հավանաբար, գերի է վերցվել իրանական ուժերի կողմից
Եթե Փարիզի Աստվածամոր տաճարն այրվեր ևս 15-30 րոպե, ապա հիմնովին կավերվեր. The Guardian
Քաղաքականություն
17.04.2019 | 12:01
Եթե ֆրանսիացի հրշեջներին ևս 15-30 րոպե չհաջողվեր մարել Փարիզի Աստվածամոր տաճարում բռնկված հրդեհը, ապա գոթական այս հրաշալի կոթողը հիմնովին կավերվեր. հայտարարել են Ֆրանսիայի իշխանությունները, հաղորդում է The Guardian-ը:
Նշվում է, որ 15 ժամ է պահանջվել կրակն ամբողջությամբ մարելու համար: Հրդեհաշիջման աշխատանքներին ավելի քան 500 հրշեջ է մասնակցել:
Փորձագետների հաղորդմամբ տաճարի ապագան դեռևս անորոշ է:
Նոտր Դամի վերակառուցման համար արդեն իսկ հանգանակվել է մոտ 650 մլն եվրո: Դրամահավաք հայտարարած Էմանուել Մակրոնը խոստացել է վերակառուցումն ավարտել առաջիկա հինգ տարում:
«Մենք կվերակառուցենք Աստվածամոր տաճարը, և այն կլինի նախկինից է՛լ ավելի գեղեցիկ: Ցանկանում եմ, որ դա արվի առաջիկա հինգ տարվա ընթացքում: Մենք կարող ենք դա անել»,- ասել է Ֆրանսիայի Հանրապետության նախագահը:
Ֆրանսիական այլ ԶԼՄ-ների հաղորդմամբ՝ Փարիզի դատախազ Ռեմի Էյթզը բացառել է Աստվածամոր տաճարի կանխամտածված հրդեհի վարկածը:
Փրկվել է նաև տաճարի թերևս ամենասուրբ մասունքը՝ Հիսուս Քրիստոսի Փշե պսակը: Մասունքը կրակի ճիրաններից դուրս է բերել կաթոլիկ վարդապետ Ժան-Մարկ Ֆուրնիեն:
